07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
«Մարտի 1»-ի, Հարսնաքարի և այլ հայտնի գործերը քննող դատավորը՝ ՍԴ դատավորի թեկնածու․ ՏԵՍԱՆՅՈՒԹ
Քաղաքականություն
12.06.2018 | 11:48
«Տիկի՛ն Դանիելյան, Դուք Վճռաբեկ դատարանի դատավոր եք։ Վճռաբեկ դատարանը 2009 թվականից վերանայել է Վահե Ավետյանի կամ, ինչպես ասում են, Հարսնաքարի, «Մարտի 1»-ի, Հայկ Կյուրեղյանի, Շանթ Հարությունյանի և ընկերների, Գևորգ Սաֆարյանի գործերը։ Ո՞րն է եղել Ձեր դիրքորոշումը նշյալ գործերի վերաբերյալ, և ունեցե՞լ եք արդյոք Ձեր դատավոր ընկերներից տարբերվող կարծիք»,- Սահմանադրական դատարանի դատավորի թեկնածուից հետաքրքրվեց ԱԺ «Ծառուկյան» խմբակցության պատգամավոր Նաիրա Զոհրաբյանը։
Հարցին ի պատասխան՝ ՍԴ դատավորի թեկնածուն նշեց, որ առայժմ ինքը դեռ Վճռաբեկ դատարանի դատավոր է, և կոնկրետ գործերով կարծիքներ հայտնելը դատավորի համար անթույլատրելի է։
Նաիրա Զոհրաբյանը նշեց, որ չի վիճարկում թեկնածուի համար դատական կանոնադրությունը, սակայն իր համար շատ կարևոր է իմանալ հանրային հնչեղություն ունեցող գործերի վերաբերյալ թեկնածուի կարծիքը։
Ելիզավետա Դանիելյանն էլ ևս մեկ անգամ շեշտեց, որ թեև ունի սույն գործերի վերաբերյալ անձնական դիրքորոշում, բայց այս պահին այն հանրայնացնել չի կարող։
Մանրամասները՝ տեսանյութում։
