09.10.2026 | 09:59
COP17-ի օրերին կսահմանափակվի երթևեկությունը․ ՆԳՆ-ն պատրաստվում է անվտանգության միջոցառումներին
Ադրբեջանի ԳՇ պետն այցելել է Արցախի գրավյալ տարածքների զորամասեր, Շուշիում հանդիպել զինծառայողների հետ
Քաղաքականություն
29.12.2022 | 19:51
Ադրբեջանի պաշտպանության նախարարի առաջին տեղակալ, գլխավոր շտաբի պետ Քերիմ Վելիևը գերատեսչության ղեկավար կազմի հետ այցելել է Արցախի գրավյալ տարածքներում տեղակայված զորամասեր, գրում են ադրբեջանական լրատվականները։
Նշվում է, որ մարտական դիրքերում հերթապահ անձնակազմի հետ հանդիպմանը Վելիևը «բարձր է գնահատել զինծառայողների մարտական և բարոյահոգեբանական պատրաստվածությունը»։
Այնուհետև Վելիևն այցելել է մի քանի զորամասեր, ինչպես նաև հանդիպել օկուպացված Շուշիում ծառայություն անցնող զինծառայողների հետ։ Նա ծանոթացել է զորամասերում անձնակազմի համար ստեղծված պայմաններին, տվել մարտունակության հետագա բարձրացման և մարտունակության բարձր մակարդակի պահպանման հանձնարարականներ։
Էմմա Չոբանյան
