19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Զախարովան արձագանքել է Միութենական պետության մասին Արմեն Գրիգորյանի հայտարարությանը. ՏԵՍԱՆՅՈՒԹ
Քաղաքականություն
29.12.2022 | 14:28
ՌԴ ԱԳՆ պաշտոնական ներկայացուցիչ Մարիա Զախարովան «շահարկում» է անվանել լուրերն այն մասին, թե Մոսկվան Հայաստանին ստիպում է միանալ Ռուսաստանի և Բելառուսի Միութենական պետությանը։ Նա այսպես է մեկնաբանել ՀՀ ԱԽ քարտուղար Արմեն Գրիգորյանի հայտարարությունն այն մասին, թե Հայաստանի նկատմամբ Միութենական պետությանը միանալու և իր վերահսկողությունից դուրս միջանցք տրամադրելու ճնշումներ կան։
Զախարովան նախ հետաքրքրվել է, թե ո՞ւմ են մարդիկ վկայակոչում, երբ այդպիսի հայտարություններ են անում, ի՞նչ փաստերի են վկայակոչում, և արդյո՞ք առհասարակ կան փաստեր։
«Ինչպե՞ս է տեղի ունեցել հարկադրանքը՝ ընկերական միջավայրո՞ւմ, կարմիր գինու բաժակի շո՞ւրջ, թե՞ կոշտ է տեղի ունեցել հարկադրանքը։ Սա պետք է հասկանալ։ Պետք է գոնե ինչ-որ փաստեր լինեն։ Եթե մարդիկ նման հայտարարություններ են անում՝ փաստեր չներկայացնելով, բարի եղեք ամրագրեք ձեր ասածը փաստերով»,- ասել է ՌԴ արտաքին քաղաքական գերատեսչության ներկայացուցիչը։
Զախարովայի խոսքով՝ նույնը կարելի է ասել նաև այն լուրերի մասին, թե Մոսկվան Երևանին պարտադրում է իր վերահսկողությունից դուրս միջանցքի տրամադրումը։ Այս լուրերը ևս Զախարովան «ֆեյք» է անվանել՝ նշելով, որ հաղորդակցությունների ապաշրջափակումը ենթադրում է երկրի ինքնիշխանություն այն երթուղիների նկատմամբ, որոնք անցնում են իր տարածքով։
Մանրամասները՝ տեսանյութում:
Տաթև Ֆռանգյան
