13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքիայում «Իրանից հրահանգներով ահաբեկչություն նախապատրաստելու» կասկածանքով 5 մարդ է ձերբակալվել
Քաղաքականություն
28.12.2022 | 23:17
Թուրքիայում ահաբեկչություն նախապատրաստելու կասկածանքով երկրի հարավարևելյան հատվածում հինգ անձ է ձերբակալվել, որոնք «հրահանգներ են ստացել Իրանից»։ Այս մասին հայտնել է Թուրքիայի ներքին գործերի նախարար Սուլեյման Սոյլուն, գրում է ՌԻԱ Նովոստին։
«Վանում գործողության ընթացքում պայթուցիկներով 5 ահաբեկիչ է ձերբակալվել, որոնք ահաբեկչություն իրականացնելու հրահանգները ստացել են Իրանից»,- ասել է Սոլյուն։
Հիշեցնենք, որ նոյեմբերի 13-ին պայթյուն էր տեղի ունեցել Ստամբուլի Իսթիքլալ պողոտայում, որի հետևանքով զոհվել էր 6 մարդ, վիրավորվել՝ 81-ը։ Ահաբեկչություն կատարելու մեջ կասկածվողը ձերբակալվել է, նա, իբր, «խոստովանել է», որ կապեր ունի Թուրքիայում արգելված Քրդստանի աշխատավորական կուսակցության (PKK) հետ։ PKK-ն, սակայն, հերքել է Թուրքիայի իշխանությունների այս պնդումները։
Էմմա Չոբանյան
