29.10.2026 | 22:32
Քանաքեռավանում երկու անձ է ձերբակալվել
«Խնայողաբար ենք օգտագործում՝ չպրծնի»․ Արցախը ՀՀ-ից մատակարարումներ չի ստանում արդեն 2 շաբաթ․ ՏԵՍԱՆՅՈՒԹ
Հասարակություն
26.12.2022 | 19:10
Արդեն 15 օր է՝ Արցախը Հայաստանին և աշխարհին կապող միակ ճանապարհի փակ լինելու հետևանքով որևէ ապրանք չի ներկրվում Արցախ: Խանութները գրեթե դատարկ են, նույն պատկերն է նաև դեղատներում:
«Ունենք բավարար քանակությամբ դեղերի՝ հակաբիոտիկների, ջերմիջեցնողների, ինչպես նաև մանկական կերերի, տակդիրների պակաս։ Աշխատում ենք հաճախորդներին բավարարել, եթե ոչ տուփով, գոնե հատիկով 10 կամ 20 հատ»,- ասում է դեղատան աշխատակից Լալա Դադայանը։
Հաշվի առնելով առաջնային օգտագործման մի շարք ապրանքատեսակների սակավությունը՝ օրերս ԱՀ Կառավարությունը նոր որոշում է ընդունել՝ հաստատելով սննդամթերքի, դեղորայքի և առաջին անհրաժեշտության այլ ապրանքների շրջանառության հատուկ կարգ: ԱՀ գյուղի և գյուղատնտեսության աջակցության հիմնադրամի տնօրեն Հրանտ Սաֆարյանի խոսքով՝ խանութներում պարենային ապրանքատեսակների պակասի կամ սպառվելու դեպքում տնտեսվարողներն այսուհետ պետք է նախապես հայտ ներկայացնեն հիմնադրամ:
«Առաջնահերթ են եղել ալյուրը, ձեթը, դրանց սահմանափակումներն արել ենք, անցել ենք կտրոնի»,- նշում է Հրանտ Սաֆարյանը։
Գյուղի և գյուղատնտեսության աջակցության հիմնադրամն այս ոլորտում նաև վերահսկողական գործառույթ ունի:
Մանրամասները՝ տեսանյութում։
Վեհանուշ Հովսեփյան
