27.02.2026 | 10:35
Ինչ է փոխվում հայտարարագրման համակարգում․ ՈՒՂԻՂ
Տեղեկություններ կան, որ ռուս սահմանապահները թողնելու են անցնենք, բայց մենք պայման ունենք․ ՏԵՍԱՆՅՈՒԹ
26.12.2022 | 17:58
Այսօր առավոտյան Երևանի Հանրապետության հրապարակից մի խումբ ակտիվիստներ ավտոերթով շարժվեցին դեպի Ստեփանակերտ։
Նախաձեռնության հեղինակները դեռ մոտ 1 շաբաթ առաջ էին հայտարարել, որ մտադիր են արցախցի փոքրիներին ամանորյա նվերներ տանել։
Հիշեցնենք՝ կեղծ բնապահպանական պատրվակներ ներկայացնելով՝ մի խումբ ադրբեջանցիներ Լաչինի միջանցքը փակ են պահում արդեն 2 շաբաթ։ Արցախը Հայաստանին կապող միակ ճանապարհի փակ լինելը հումանիտար խնդիրների պատճառ է դարձել․ Ստեփանակերտում նկատվում է սննդի, դեղորայքի, վառելիքի պակաս, ավելի քան 1000 արցախցիներ՝ այդ թվում երեխաներ, չեն կարողանում ՀՀ-ից վերադառնալ իրենց բնակավայրեր։
Արցախ մեկնողները հասել են Գորիս-Ստեփանակերտ ճանապարհի առաջին, հայկական անցակետին։ Նրանք բանակցեցին ոստիկանության ծառայողների հետ։
«2-3 հոգի մեր ուղեկցությամբ, հիմնականում այն մարդիկ, ովքեր ի վիճակի են բանակցելու ռուսների հետ, գնում ենք ռուսական կողմ, հնարավոր է նաև լրագրողներ: Եթե ռուսները թույլ տան, մենք խնդիր չունենք»,- այս մասին ակցիայի մասնակիցներին տեղեկացրեց ՀՀ ոստիկանության ներկայացուցիչը:
Նախաձեռնության հեղինակներից Հայկ Բարսեղյանը Factor.am-ի հետ զրույցում ընդգծեց․ «Տեղեկություններ կան, որ ռուս սահմանապահները, ավելին՝ ադրբեջանցիները թողնելու են անցնենք, բայց մենք պայման ունենք․ մենք պահանջելու ենք, որ ճանապարհը լիարժեք բացվի, ադրբեջանցի «դերասանները» անցնեն պատնեշի այն կողմը, ռուսները պատ կազմեն, և մենք առանց ուղեկցողների անցնենք»։
Մանրամասները՝ տեսանյութում։
