27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Ռուս զինվորականները զբաղված են պաշտպանական ամրությունների կառուցմամբ․բրիտանական հետախուզություն
Քաղաքականություն
26.12.2022 | 19:22
Ռուսական զորքերը կենտրոնացած են հիմնականում պաշտպանական ամրությունների կառուցման աշխատանքների ուղղությամբ։ Այս մասին ասվում է Մեծ Բրիտանիայի հետախուզության այսօրվա ամփոփագրում, գրում է BBC-ի ռուսական ծառայությունը։
Հաղորդվում է, որ առաջնագծի բազմաթիվ հատվածներում ամրությունների կառուցումն իրականացվում է հոկտեմբերից։ Նման մարտավարությունը, ըստ բրիտանական հետախուզության, չի համապատասխանում Ռուսաստանի իշխանությունների հայտարարած հիմնական խնդիրներին։
Նշվում է, որ ականադաշտերը լուրջ խոչընդոտ են լավ պատրաստված զորքերի համար միայն այն դեպքում, եթե հակառակորդը կիրառում է արդյունավետ դիտորդական և հետախուզական միջոցներ։ Բրիտանական հետախուզությունը ենթադրում է, որ ռուսական զորքերը, ամենայն հավանականությամբ, առաջիկայում բախվելու են դիտման սարքերի, ինչպես նաև լավ պատրաստված զինվորականների պակասին, որոնք կարող էին վերահսկել ականապատ դաշտերի հսկայական տարածքը:
Էմմա Չոբանյան
