Կեղծ բնապահպանները, ռեսուրսային պատերազմները և «ջուրը գցած» մեր հարստությունը. ապաքաղաքական զրույց Նազելի Վարդանյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է իրավաբան, բնապահպան Նազելի Վարդանյանը: Նրա կարծիքով՝ Ադրբեջանը վաղուց՝ դեռևս 1990 թվականից Հայաստանի և Արցախի դեմ իր պայքարում օգտագործում է «բնապահպանական փաստարկները»: Պատճառն այն է, որ այդ թեման ընկալելի է, «հնչեղ» է Արևմուտքի համար, և մենք էլ պետք է խոսենք Արևմուտքի համար հասկանալի լեզվով: Այնուամենայնիվ, Բերձորի միջանցքը փակած ադրբեջանցիների բնապահպան չլինելն ապացույցների կարիք չունի: Իսկական բնապահպանները քաղաքական կարգախոսներով հանդես չեն գալիս և պահանջում են փակել հանքերը, ոչ թե հանձնել դրանք բրիտանացիների շահագործմանը:

Հաղորդման հյուրի համոզմամբ՝ ժամանակակից պատերազմները վարվում են ոչ թե վերացական «հողի», այլ բնական ռեսուրսների համար՝ Իրաքի, Սիրիայի իրադարձությունները դրա ապացույցն են: Ընդ որում, նավթը որպես ռեսուրս աստիճանաբար նահանջելու է երկրորդ պլան, դրա տեղը զբաղեցնելու է ջուրը: Այդ առումով Հայաստանը լավ հնարավորություններ ուներ: Սակայն վերջին 30 տարիների ընթացքում ջրային ռեսուրսների զգալի մասը մսխվել է անհեռատես քաղաքականության պատճառով:

Նազելի Վարդանյանը վստահ է, որ բնապահպանական խնդիրները սերտորեն կապված են մարդու իրավունքների հետ, և այդ հասկացության հետ կապված հիասթափությունները ժամանակավոր են: Հայաստանը, ըստ իրավաբանի, այդ առումով մրցակցակցային առավելություններ ունի իր հարևանների նկատմամբ, մասնավորապես, հանցավորության մակարդակը մեր երկրում ավելի ցածր է, քան անգամ Վաստանում: Պարզապես մենք պետք է օգտագործենք այդ առավելությունները:

Մանրամասները տեսանյութում:

Արամ Աբրահամյան