05.08.2026 | 20:23
Կառավարությունը Նիկոլայ Ծատուրյանի մահարձանի և գերեզմանի բարեկարգման համար կհատկացնի ավելի քան 2 մլն դրամ
Ալիևը Մակրոնին հայտնել է Լաչինի միջանցքում ազատ տեղաշարժ ապահովելու իր մտադրության մասին
Քաղաքականություն
25.12.2022 | 00:01
Արդեն տեղեկացրել էինք, որ Ֆրանսիայի նախագահ Էմանուել Մակրոնը երեկ հեռախոսազրույց է ունեցել Ադրբեջանի նախագահ Իլհամ Ալիևի հետ։ Ելիսեյան պալատի տարածած հաղորդագրության մեջ ասված է․ «Հանրապետության Նախագահն իր խորը մտահոգությունն է հայտնել Հարավային Կովկասում վերսկսված լարվածության կապակցությամբ։ Նա կոչ է արել հարգել 2020 թվականի նոյեմբերի 9-ի հրադադարի համաձայնագիրը և թույլ տալ ազատ տեղաշարժը Լաչինի միջանցքով։ Նա խոսել է տուժած բնակչությանը մարդասիրական կազմակերպությունների և ՄԱԿ-ի գործակալությունների անխոչընդոտ մուտքի երաշխավորման հրատապության մասին: Նախագահ Ալիևը հայտնել է միջանցքում ազատ տեղաշարժ ապահովելու իր մտադրության մասին։
Անդրադառնալով տարածաշրջանում օգտակար հանածոների ապօրինի շահագործման վերաբերյալ Ադրբեջանի մտահոգություններին` երկու նախագահները նշել են գործող չափանիշների հարգման կարևորությունը։ Ի վերջո, երկու նախագահները պայմանավորվել են շահագրգիռ դերակատարների հետ համատեղ շարունակել բանակցությունները՝ տարածաշրջանում կայուն քաղաքական լուծում գտնելու համար, և առաջիկա շաբաթներին կրկին կխոսեն միմյանց հետ»:
