15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
«Մեզ մեղադրում են դատարաններին ճնշելու մեջ․ մեծ մարդիկ ենք, հիշեք ձեր անցյալը»․ ՔՊ-ականը ընդդիմությանը․ ՏԵՍԱՆՅՈՒԹ
Հասարակություն
23.12.2022 | 12:19
«Այսօր ընդդիմությունը Ազգային ժողովում մեզ մեղադրում է դատարաններին ճնշելու, արդարադատությունը քնեցնելու մեջ»,- այս մասին ԱԺ արտահերթ նիստում նշեց «Քաղաքացիական պայմանագիր» խմբակցության պատգամավոր Լիլիթ Ստեփանյանը։
«Ժողովո՛ւրդ, մենք բոլորս մեծ մարդիկ ենք, հիշե՛ք ձեր անցյալը»,- դիմելով ընդդիմադիր պատգամավորներին՝ կոչ արեց Ստեփանյանը։
Իշխանական պատգամավորը հիշեցրեց, 2013թ․ Պռոշյանի դաշնակցական գյուղապետ Հրաչ Մուրադյանի սպանության մասին։ «Այդ ժամանակ Գեղամ Մանուկյանը հայտարարեց, որ եթե ՀՀ կոռումպացված դատարանները չգտնեն և չպատժեն մեղավորներին, ապա Դաշնակցության ձեռքը չի դողա։ Իսկ Հրանտ Մարգարյանն ասաց, որ եթե արդարադատության աստվածը չգտնի և չպատժի այդ սպանությունը կատարողներին, ապա Դաշնակցության աստվածը նրան կգտնի և կպատժի։
Եվ ի՞նչ եղավ․ դաշնակների ձեռքը դողաց, իսկ Դաշնակցության աստվածն այդպես էլ լուռ մնաց»,- նշեց Ստեփանյանը։
Նշենք, որ «Հայաստան» խմբակցության պատգամավորներ Արծվիկ Մինասյանն այսօր ԱԺ ամբիոնից հայտարարել էր․ «Դատական իշխանությունը շարունակում է զավթվել ՔՊ-ի կողմից․ խախտվում են հիմնարար սկզբունքներ»։
Մանրամասները՝ տեսանյութում։
