Քաղաքականություն
22.12.2022 | 18:30
Իրանի տեղեկատվության նախարարությունը հայտնաբերել և ձերբակալել է չորս աշխատանքային խմբերի անդամների, որոնք, ենթադրաբար, կապված են իսրայելական «Մոսադ» հետախուզական ծառայության հետ։ Այս մասին հաղորդում է Ինտերֆաքսը՝ վկայակոչելով նախարարությանը:
Տեղեկատվության նախարարությունը հայտնել է, որ խմբավորումները մի քանի հիբրիդային ահաբեկչական գործողություններ են ծրագրել Իրանում շարունակվող բողոքի ակցիաների ֆոնին:
Դեկտեմբերի 18-ին Իրանի Տեղեկատվության նախարարությունը հայտարարել է նաև «լրտեսական ցանցի» անդամների բացահայտման և կալանավորման մասին, որոնք ծրագրել էին դիվերսիա իրականացնել երկրի պաշտպանական արդյունաբերության դեմ։
Նշենք, որ աշնանն Իրանում զանգվածային բողոքի ցույցեր սկսվեցին երիտասարդ կնոջ՝ Մախսա Ամինիի մահից հետո, որը սեպտեմբերին Թեհրանի մետրոյի կայարանի մոտ ձերբակալվել էր բարոյականության ոստիկանության կողմից՝ հիջաբը սխալ կրելու համար: Ձերբակալությունից մի քանի օր անց նա մահացել է։
Տաթև Ֆռանգյան
