22.06.2026 | 18:10
Փամբակում հայտնաբերել են 13-ամյա Նարինեի դին // Որն էր Գյումրի-Մոսկվա օդանավի արտակարգ վայրէջքի պատճառը․ ԼՈՒՐԵՐ
Իլհամ Ալիևը Նախիջևանի ինքնավարության վերացման գործընթա՞ց է սկսել
Քաղաքականություն
22.12.2022 | 22:09
Ադրբեջանի նախագահ Իլհամ Ալիևն այսօր հրամանագիր է ստորագրել Նախիջևանի Ինքնավար Հանրապետությունում երկրի նախագահի ներկայացուցչություն ստեղծելու մասին, գրում են ադրբեջանական լրատվամիջոցները։
Այսպիսով, Ալիևը մեկնարկում է հանրապետությունը Բաքվի կենտրոնական իշխանություններին ենթարկեցնելու գործընթացը, որը կարող է հանգեցնել հետագայում ինքնավարության վերացման։
Փաստաթղթի համաձայն՝ Ադրբեջանի նախագահի ներկայացուցիչն անմիջականորեն ենթարկվելու է Ադրբեջանի ղեկավարին։ Հրամանով սահմանվում է, որ կենտրոնական և տեղական գործադիր իշխանություններն ու պետական այլ կառույցներ իրենց գործունեությունը պետք է իրականացնեն Նախիջևանում՝ համաձայնեցնելով նախագահի ներկայացուցչի հետ։
Մեկ այլ հրամանագրով էլ՝ Նախիջևանում Ադրբեջանի նախագահի հատուկ ներկայացուցիչ է նշանակվել Ֆուադ Նաջաֆլին։ Նախկինում նա եղել է Սումգայիթի տեխնոլոգիական պարկի դիտորդական խորհրդի անդամ։
Հիշեցնենք, որ նախօրեին 27-ամյա կառավարումից հետո Իլհամ Ալիևի ճնշումների ներքո հրաժարական էր տվել Նախիջևանի Գերագույն Մեջլիսի նախագահ Վասիֆ Թալիբովը։
Էմմա Չոբանյան
