29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Թուրքական Կայսերիում մեկնարկել է Ադրբեջանի, Վրաստանի և Թուրքիայի ՊՆ ղեկավարների հանդիպումը
Քաղաքականություն
21.12.2022 | 16:45
Թուրքական Կայսերիում ընթանում է Թուրքիայի, Ադրբեջանի և Վրաստանի պաշտպանության նախարարների հերթական եռակողմ հանդիպումը, որն արդեն 9-րդն է, հայտնում են ադրբեջանական լրատվամիջոցները։
Հանդիպմանը մասնակցում են Ադրբեջանի ՊՆ ղեկավար Զաքիր Հասանովը, Թուրքիայի ՊՆ ղեկավար Հուլուսի Աքարն ու Վրաստանի ՊՆ ղեկավար Ջուանշեր Բուրչուլաձեն։
Նշվում է, որ պաշտոնյաները հանգամանալից մտքեր են փոխանակելու եռակողմ ձևաչափով համագործակցության զարգացման, տարածաշրջանային նախագծերի անվտանգության ապահովման և փոխադարձ հետաքրքրություն ներկայացնող այլ հարցերի շուրջ։
Հավելենք, որ եռակողմ հանդիպումից առաջ տեղի է ունեցել նաև Աքարի և Հասանովի երկկողմ հանդիպումը, որի ընթացքում քննարկվել են ռազմական, ռազմատեխնիկական ոլորտներում համագործակցության զարգացման հեռանկարները։
«Հանդիպմանը քննարկվել են ռազմական, ռազմատեխնիկական, ռազմակրթական և այլ ոլորտներում համագործակցության զարգացման հեռանկարները, նշվել է այս ուղղությամբ տարվող աշխատանքների հետագա ընդլայնման կարևորությունը»,-ասվում է հաղորդագրության մեջ։
Էմմա Չոբանյան
