11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Թուրքերը մեզ դրդում են ռազմական ուժ կիրառել, որ թակարդը գցեն․ ՀՀ զինուժը կգործի, երբ ժամանակը գա․ Վովա Վարդանով․ ՏԵՍԱՆՅՈՒԹ
Քաղաքականություն
21.12.2022 | 20:02
Factor TV-ի հարցազրույցը «Ողջ մնալու արվեստ» կազմակերպության նախագահ Վովա Վարդանովի հետ
-Երեկ Հայաստանի դիմումի հիման վրա ՄԱԿ-ի Անվտանգության խորհրդում քննարկվեց Ադրբեջանի կողմից Արցախի շրջափակման հարցը։ Գրեթե բոլոր պետությունները Բաքվից պահանջեցին անհապաղ, շուտափույթ բացել Լաչինի միջանցքը։ Օրինակ՝ ԱՄՆ ներկայացուցիչը հայտարարեց, որ Լաչինի միջանցքով տեղաշարժի խոչընդոտը կարող է բերել ծանրագույն մարդասիրական հետևանքերի, և Բաքվից ու անվտանգության մյուս ուժերից (հավանաբար նկատի ուներ ՌԴ-ին) պահանջեց շուտափույթ վերականգնել ազատ տեղաշարժը։ Իսկ ՌԴ ներկայացուցիչը նշեց․ «Համաձայնեցվում են Ադրբեջանի բնապահպան-փորձագետների՝ ԼՂ հանքավայրեր այցելությունների չափանիշները», և հույս հայտնեց, որ մոտ ապագայում հաղորդակցությունը կվերականգնվի։ Ի՞նչ գնահատական ունեք ԱԽ նիստի վերաբերյալ։ Ալիևի ռեժիմը կազդվի՞ նման ոճից։
-Ալիևի ռեժիմը երբեք չի ազդվի։ Հենվելով իր նավթն ու գազը գնողների՝ այլ հարցերի վերաբերյալ հայտնած կարծիքների վրա՝ միշտ թքած է ունեցել, թե ինչ կասեն, հիմա էլ նույն ձևով է լինելու։ Մի՛ մոռացեք, թե այս բլոկադայի օրերին Եվրոպական հանձնաժողովի նախագահ Ուրսուլա ֆոն դեր Լեյենն ինչ հայտարարություն արեց, քիչ էր մնում՝ Ադրբեջանին թիվ մեկ դեմոկրատ երկիր հայտարարեր։ Անհեթեթությո՛ւն է։ Ալիևը միայն գլխին բռունցքով խփելու լեզուն է հասկանում։ Եթե չես կարողանում նման ձևով պատասխանել, գոնե պետք է աշխատես քո կշիռը ծանրացնես, որպեսզի ավելի ազդեցիկ դառնաս։ Թե՛ մեր քաղաքական վերնախավը, և թե՛ ընդդիմադիր ուժերը վերջապես պետք է խելքները գլուխները հավաքեն և կարևորագույն հարցերի շուրջ փոխհամաձայնության գան։ Բնականաբար, մեր երկրի մարտունակության բարձրացումը բխում է և՛ իշխանության, և՛ ընդդիմության շահերից։ Իրենց շահերից չի՞ բխում, որ ապահով լինի Արցախը։ Նման հարցեր շատ կան։
-Այսինքն՝ կոնսենսուսի գան կարևորագույն հարցերի շուրջ։
-Այո՛, 100 տոկոսով։
-Այս ճգնաժամային պահերին, երբ հետևում ենք ԱԺ նիստերին, տեսնում ենք, որ փոխադարձ մեղադրանքներ են հնչում, դիսկուրս չկա լուծումների մասին։
-Բայց պարտադիր պետք է լինի դիսկուրս կարևորագույն հարցերի շուրջ, այդ թվում՝ անվտանգության, Արցախի շրջափակման, ուժային կենտրոնների հետ հարաբերությունների վերաբերյալ։ Չի կարելի մանկամիտ լինել, քաղաքական ուժերն իրենց մանկան նման են պահում։
–Այս ընթացքում կոչեր հնչեցին, որ Հայաստանը պետք է ռազմական միջամտության գնա և այդ աղավնի սպանող ակտիվիստներին ցրի։ Բայց գուցե այստեղ ծուղա՞կ կա հայկական կողմի համար, գուցե Բաքվի նպատակն էլ հենց դա՞ է, որ Հայաստանը զենք կիրառի, և իրենք սկսեն կոտորած Արցախում և անցնեն լայնամասշտաբ պատերազմի՝ մեղքը գցելով ՀՀ-ի վրա։ Դուք ի՞նչ տեսակետ ունեք։
-Թուրքերը դրդում են նման գործողությունների, և դա ծուղակ չէ․ բացահայտ մի փոս են փորել, որի մեջ ցցեր, նիզակներ են դրել ու «քֆուր են տալիս» կամ քարով խփում են և հույս ունեն, որ վազելով կգաս, կընկնես այդ փոսն ու կնիզակահարվես։
2020 թվականից այս կողմ մենք չենք բարձրացրել մեր Զինված ուժերի, մեր զինվորականների ու պահեստազորայինների որակը, անկյունում ծվծվացող մկնիկ ենք դառնում։ Մենք դասեր չենք քաղել 2020-ից, հետևություններ չենք արել, որ շատ արագ պետք է մարտունակ ազգ դառնանք, պետք է հասկանանք, որ բանակի թիկունքում պետք է լինի ժողովուրդ և բանակի մի մասը ժողովուրդն է։
Հարցազրույցն ամբողջությամբ՝ տեսանյութում։
Ռոբերտ Անանյան
