27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Թրամփը հայտարարել է, որ ՌԴ-ն Ուկրաինայի դեմ պատերազմում գրեթե 1 միլիոն զինվոր է կորցրել
Քաղաքականություն
22.01.2025 | 13:24
ԱՄՆ նախագահ Դոնալդ Թրամփը հայտարարել է, որ Ռուսաստանը գրեթե 1 միլիոն զինվոր է կորցրել Ուկրաինայի դեմ պատերազմում, իսկ Ուկրաինան՝ շուրջ 700 հազար։ Այս մասին Թրամփն ասել է լրագրողների հետ հանդիպմանը, գրում է POLITICO-ն։
Թրամփը նաև նշել է, որ Պուտինը չի կարող բավարարվել Ուկրաինայի դեմ պատերազմի դանդաղ ընթացքով։
«Մարդկանց մեծամասնությունը կարծում էր, որ դա կտևի մոտ մեկ շաբաթ, իսկ հիմա արդեն երեք տարի է: Մենք թվեր ունենք, որ գրեթե մեկ միլիոն ռուս զինվոր է զոհվել։ Սպանվել է մոտ 700 հազար ուկրաինացի զինվոր։ Ռուսաստանն ավելի մեծ է, նրանք ավելի շատ զինվորներ են կորցրել, բայց դա երկիր ղեկավարելու տարբերակ չէ»,- ասել է Թրամփը:
Ավելի վաղ էլ Թրամփը, պատասխանելով Ուկրաինայում ՌԴ պատերազմի մասին հարցին, նշել է ՌԴ-ում առկա տնտեսական բարդությունների մասին, որոնք կարող են դրդել Վլադիմիր Պուտինին բանակցությունների գնալ։
Թարգմանությունը՝ Տաթև Ֆռանգյանի
