13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Նախաձեռնության նպատակը միջազգային հանրության վրա ազդելն է. Արտեմ Վալտեր․ ՏԵՍԱՆՅՈւԹ
Քաղաքականություն
20.12.2022 | 20:40
Հայտնի հայ դերասաններ ու մշակութային մի խումբ գործիչներ և նրանց միացած մտահոգ քաղաքացիները ակցիա են իրականացնում՝ պահանջելով աշխարհից բացել Լաչինի միջանցքը։ Ակցիայի մասնակիցները Ազատության հրապարակից երթով գնում են դեպի դեսպանատներ, այնուհետև պետք է գնան ՄԱԿ-ի հայաստանյան գրասենյակ։
Բողոքի ակցիան քաղաքական չէ։ Ակցիայի նախաձեռնողներն են արցախցի երգիչներ Արտեմ Վալտերը և Լյոկան:
«Բացել «կյանքի ճանապարհը», «Արցախ» վանկարկում են ակցիայի մասնակիցները։
«Նպատակը միջազգային հանրությանը տեղեկացնելն է խնդրի մասին, միջազգային հանրության վրա ազդելն է, որպեսզի հումանիտար աղետը կանխվի, բացվի կյանքի ճանապարհը, ինչպես նաև բլոկադայի մեջ հայտնված 120 հազար արցախցիներին այս կերպ ցույց տալը, որ իրենք մենակ չեն, մենք բոլորս իրենց հետ ենք»,- այս մասին FactorTV-ի հետ զրույցում ասաց Արտեմ Վալտերը։
Հիշեցնենք՝ դեկտեմբերի 12-ից Ադրբեջանի մի խումբ քաղքացիներ բնապահպանների անվան տակ փակել են Լաչինի միջանցքը, որն Արցախը Հայաստանին կապող միակ ցամաքային ճանապարհն է։
Փակ ճանապարհի հետևանքով Արցախում կենսական նշանակության լրջագույն խնդիրներ են առաջացել։ Հայաստանից Արցախ չեն հասնում սննդամթերք, դեղորայք, առաջին անհրաժեշտության այլ ապրանքներ։ Վտանգված է առողջական խնդիրներ ունեցող մի խումբ արցախցիների՝ այդ թվում՝ երեխաների կյանքը։
Մանրամասն՝ տեսանյութում։
