30.10.2026 | 17:26
«Խաղաղության համաձայնագրի ստորագրման համար կարևոր է, որ ՀՀ-ն անհրաժեշտ քաղաքական և իրավական քայլեր ձեռնարկի»․ Բայրամով
Մեսսին քնել է Աշխարհի գավաթը գրկած, հետո սրճել՝ գավաթի հետ․ ԼՈՒՍԱՆԿԱՐՆԵՐ
20.12.2022 | 16:48
Մունդիալ-2022-ի չեմպիոն, Արգենտինայի հավաքականի ավագ Լեո Մեսսին լուսանկարներ է հրապարակել ֆեյսբուքյան իր էջում։
Մարզիկը քնել է Աշխարհի գավաթը գրկած, ապա սրճել գավաթը գրկած, իսկ լուսանկարներին կից գրել․ «Լավ օր»։
Հիշեցնենք, որ Արգենտինայի ազգային հավաքականը հռչակվեց ֆուտբոլի աշխարհի չեմպիոն։
Հաղթողի անունը պարզ դարձավ 11 մետրանոց հարվածաշարի արդյունքում։ Արգենտինան և Ֆրանսիան հաղթողի անունը չէին պարզել ո՛չ հիմնական, ո՛չ էլ լրացուցիչ ժամանակում։
Հիմնական ժամանակում Արգենտինայի ազգային հավաքականը չկարողացավ պահպանել 2 գնդակի առավելությունը։
Ֆրանսիայի հավաքականը խաղավերջում երկու գոլ խփեց և խաղը տեղափոխեց լրացուցիչ ժամանակ։ Արգենտինացիների կազմում առաջին կեսում գոլի հեղինակ էին դարձել Լիոնել Մեսսին և Անխել Դի Մարիան, ֆրանսիացիների կազմում խաղի վերջնամասում ընդամենը 2 րոպեում դուբլ ձևակերպեց Կիլիան Մբապեն։
Լրացուցիչ ժամանակում Մեսսին ևս մեկ գոլ խփեց, սակայն ֆրանսիացիները դարձյալ հավասարեցրին հաշիվը։ 11 մետրանոցից հեթ-տրիկի հեղինակ դարձավ Մբապեն։
Արգենտինայի համար սա 3-րդ չեմպիոնությունն է։
