09.10.2026 | 12:01
Ուկրաինական ԱԹՍ-ները հարձակվել են Կալուգայի, Տվերի, Բելգորոդի մարզերի վրա․ զոհեր կան
Իրանը հույս է հայտնել, որ Լաչինի միջանցքի շրջափակումը վերացնելու հարցը արագ կլուծվի
Քաղաքականություն
20.12.2022 | 16:06
Իրանի ԱԳՆ խոսնակ Նասեր Քանանին հույս է հայտնել, որ Լաչինի միջանցքի շրջափակման վերացման հարցը արագ կլուծվի։ Պատասխանելով Լաչինի միջանցքի արգելափակման մասին ԻՍՆԱ-ի թղթակցի հարցին՝ Նասեր Քանանին նշել է. «Իրանի Իսլամական Հանրապետությունը մշտապես շեշտը դրել է Ադրբեջանի և Հայաստանի միջև վեճերի խաղաղ կարգավորման վրա»։
Իրանի ԱԳՆ ներկայացուցիչն ընդգծել է, որ Թեհրանը վստահ է, որ 2020 թվականի նոյեմբերի 9-ի եռակողմ հայտարարության դրույթների ամբողջական կատարումը կարող է վերջ դնել երկու երկրների միջև տարաձայնություններին։
Նշելով, որ տարածաշրջանում խաղաղության և կայունության հաստատումը պահանջում է խուսափել ավելորդ լարվածությունից՝ Քանանին հույս է հայտնել, որ Լաչինի միջանցքի ապաշրջափակման հարցն արագ կլուծվի Ադրբեջանի և Հայաստանի միջև խաղաղ երկխոսության միջոցով։
Իր հերթին, ԻՍՆԱ-ն գրում է, որ վերջին օրերին Լաչինի միջանցքի արգելափակումն առաջացրել է տարբեր երկրների արձագանքը, քանի որ կարծում են, որ այդ միջանցքի փակումը ծանր մարդասիրական հետևանքներ ունի տարածաշրջանի բնակիչների համար և խաթարում է խաղաղ կարգավորման գործընթացը։
Տաթև Ֆռանգյան
