16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Պուտինը փորձում է պատերազմի համար «հավաքական պատասխանատվություն» ցուցադրել․ բրիտանական հետախուզություն
Քաղաքականություն
20.12.2022 | 16:54
Ուկրաինայում պատերազմին վերաբերող այսօրվա զեկույցում բրիտանական հետախուզությունը գնահատում է ՌԴ նախագահ Վլադիմիր Պուտինի վերջին այցը ռազմական շտաբ, որտեղ նա հանդիպել է բարձրաստիճան զինվորականների՝ պաշտպանության նախարար Սերգեյ Շոյգուի, Գլխավոր շտաբի պետ Վալերի Գերասիմովի և ռուսական զորքերի միացյալ խմբավորման հրամանատար Սերգեյ Սուրովիկինի հետ, գրում է BBC-ի ռուսական ծառայությունը։
Բրիտանական հետախուզությունը ենթադրում է, որ դեկտեմբերի 16-ի հանդիպումը նախատեսված է եղել պատերազմի համար «հավաքական պատասխանատվությունը ցուցադրելու նպատակով»։
«Այս ցուցադրականությունը, հավանաբար, նպատակ ուներ Պուտինից հեռացնել ռազմական ձախողումների, մահացության բարձր մակարդակի և մոբիլիզացիայի նկատմամբ հանրային դժգոհության աճի պատասխանատվությունը: Հեռուստատեսային կադրերը, ամենայն հավանականությամբ, նպատակ ունեին նաև ցրելու սոցցանցերում տարածված լուրերն այն մասին, որ գեներալ Գերասիմովը հեռացվել է աշխատանքից»,- ասվում է զեկույցում:
Էմմա Չոբանյան
