30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
1 քաղաքական ուժի կողմից նշանակումներ են, չենք մասնակցի․ ընդդիմությունը հեռացավ ԱԺ դահլիճից․ ՏԵՍԱՆՅՈՒԹ
Քաղաքականություն
20.12.2022 | 14:02
ՀՀ ազգային ժողովն արտահերթ նիստում քննարկում է Վճռաբեկ դատարանի վարչական պալատի դատավորի թափուր տեղի համար առաջադրված թեկնածուների ընտրության հարցը:
Ընդդիմադիր «Հայաստան» խմբակցությունը հայտարարեց, որ չի մասնակցելու հարցի քննարկմանը։
«Նկատի ունենալով, որ օրակարգի հաջորդ հարցերը վերաբերում են պաշտոնների նշանակմանը, իսկ դրանք մեկ քաղաքական ուժի կողմից կատարվող նշանակումներ են, «Հայաստան» խմբակցությունը չի մասնակցելու քվեարկությանը»,- նշեց խմբակցության քարտուղար Արծվիկ Մինասյանը։
Ընդդիմադիր պատգամավորները լքեցին նիստերի դահլիճը:
Նշենք, որ Բարձրագույն դատական խորհուրդը Վճռաբեկ դատարանի վարչական պալատի դատավորի թափուր տեղի համար առաջադրել է Արման Թովմասյանի, Վահագն Թորոսյանի և Արգիշտի Ղազարյանի թեկնածությունները: Ներկայացված 3 թեկնածուներից ԱԺ-ն պետք է ընտրի Վճռաբեկ դատարանի վարչական պալատի դատավորի թեկնածու:
Մանրամասները՝ տեսանյութում։
