21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Քաղաքացիները բողոքում են, որ չեն կարողանում խաղադրույք կատարել․ ուրախալի է․ Ալեն Սիմոնյան․ ՏԵՍԱՆՅՈՒԹ
Հասարակություն
20.12.2022 | 13:10
Ազգային ժողովը երկրորդ ընթերցմամբ քննարկեց «Տեսալսողական մեդիայի մասին» և «Գովազդի մասին» օրենքներում փոփոխություններ առաջարկող նախագիծը։
Առաջարկում է սահմանել, որ տեսալսողական մեդիամիջոցների անվանումները չեն կարող նույնական կամ շփոթության աստիճանի նման լինել շահումով խաղերի, ինտերնետ շահումով խաղերի և վիճակախաղերի կազմակերպմամբ զբաղվող ընկերությունների, որոնք վերջին 10 տարում զբաղվել են այդ գործունեությամբ, անվանումների կամ ապրանքային նշանների հետ:
«ԱԺ-ն առավելագույնս սահմանափակեց բույքմեյքերական գրասենյակների գործունեությունը, որոնք համատարած էին Հայաստանում, սահմանափակեց փողոցում առկա գովազդները՝ խաղամոլության վերաբերյալ, արգելեց այդ գովազդները հեռուստատեսությամբ և կայքերում, և հիմա քվեարկելու ենք, որ քողարկված գովազդը, ի դեմս հեռուստատեսությունների ու ռադիոանվանումների, չլինի։
Ֆուտբոլի աշխարհի առաջնությունից հետո քաղաքացիները բողոքում են, որ չեն կարողանում խաղադրույք կատարել, դժվար է խաղադրույք կատարելը, ինչը ուրախալի է»,- նախագծի քննարկման ժամանակ նշեց ասաց ԱԺ նախագահ Ալեն Սիմոնյանը՝ շնորհակալություն հայտնելով այն գործընկերներին, ովքեր զբաղվել են այս խնդի լուծմամբ։
«Մենք ամեն ինչ արել ենք և անելու ենք, մնում է մեր քաղաքացիները հասկանան, որ այդ ուղին որևիցե լավ բանի չի բերի և ավելի ուշադիր և պատասխանատու վերաբերվեն իրենց, իրենց ընտանիքներին և իրենց աշխատած գումարներին»,- հավելեց ԱԺ նախագահը։
Մանրամասները՝ տեսանյութում։
