Մեռանք հեռանալով․ տարին մի անգամ հրաժարական ենք տալիս, նորից ընտրվում ենք․ Ալեն Սիմոնյան․ ՏԵՍԱՆՅՈՒԹ

«Մենք քիչ առաջ ականատես եղանք հերթական շոու ծրագրին՝ բեմադրված էժանագին մեղադրանքներով, մասնավորապես՝ ազգը պառակտած, ժողովրդի մեջ թշնամիներ փնտրող, Արցախը հանձնող, ժողովրդի արժանապատվությունը գետնին տված իշխանության ներկայացուցիչը մեղադրում է ընդդիմությանն այդ արարքների մեջ»,- Ազգային Ժողովի արտահերթ նիստում այս մասին նշեց «Հայաստան» խմբակցության պատգամավոր Արծվիկ Մինասյանը։

«Սա ոչ թե ուղղակի զավեշտ է, այլ ուղղակի ողբերգություն է, որովհետև անհնար է պատկերացնել մի իշխանություն, որն իրեն պահի այս վիճակով։ Երբ առանց հասկանալու, առանց ընկալելու, առանց խորանալու, թե ընդդիմության պաահնջը իրենցից ինչ է, միանգամից պտտվում, մեղադրում է, ասելով՝ Դուք 30 տարի ի՞նչի չեք ճանաչել Արցախի անկախությունը։

30 տարի Արցախը անկախ է եղել փաստացի, 30 տարի Արցախի բնակչությունը աճել է, 30 տարի հայ ժողովուրդը աշխարհով մեկ Արցախը դարձրել է իրենց թիվ մեկ մտահոգության առարկան։

Ձեր իշխանության ժամանակ տապալել եք դա, կործանել եք Արցախը, հիմա եկել եք այստեղ մեղադրում եք ու՞մ, ին՞չի համար։ Դուք թուլացրել եք բանակը, անվտանգությունն եք ոչնչացրել»,- նեց Մինասյանը։

Անդրադառնալով ՌԴ խաղաղապահներին ընդդիմության զորակցելու վերաբերյալ դիտարկումներին՝ ընդդիմադիր պատգամավորը նշեց, որ այդ հարցը շատ է մանիպուլացվում․ «Այո՛, մենք զորակցում ենք այն խաղաղապահ ուժին, որն այսօր միակն է, որը քիչ թե շատ ապահովվում է Արցախի անվտանգությունը»։

«Բայց նաև կոչ ենք արել, որպեսզի ՌԴ-ն ձեռնարկի բոլոր անհրաժեշտ գործողությունները։ Սրան ինչո՞ւ չեք անդրադառնում։ Թե՞ Ձեր համար հաճելի է հակառուսական հիստերիա բարձրացնել»,- նշեց Միանսյանը՝ իշխանությանը կոչ անելով հեռանալ։

ԱԺ նախագահ Ալեն Սիմոնանն արձագանքեց․ « Ընտրություններ են եղել, ժողովուրդը որոշում է կայացրել։ Մեռանք հեռանալով․ տարին մի անգամ հրաժարական ենք տալիս, նորից ընտրվում ենք»։

Մանրամասները՝ տեսանյութում։