Արմեն Գրիգորյանի մայրը Արցախում շրջափակման մեջ է, եկել ասում եք՝ Արցախից հրաժարվում եք․ Ռուբինյանը՝ ընդդիմությանը․ ՏԵՍԱՆՅՈՒԹ

Ընթանում է ՀՀ ԱԺ արտահերթ նիստը։

Արմեն Գրիգորյանի մայրը Արցախում շրջափակման մեջ է, եկել ասում եք՝ Արցախից հրաժարվում եք․ Ռուբինյանը դիմեց ընդդիմությանը։

«Լաչինի միջանցքը, ըստ նոյեմբերի 9-ի եռակողմ հայտարարության, չի գտնվում ո՛չ ԼՂ պաշտպանության բանակի, ոչ էլ առավելևս ՀՀ Զինված ուժերի վերահսկողության ներքո, այն գտնվում է ռուս խաղաղապահների վերահսկողության ներքո, իրենք անմիջականորեն պետք է վերահսկեն այդ միջանցքը: Ադրբեջանն էլ իր հերթին պարտավորվել է ոչ մի կերպ վտանգի չենթարկել այդ միջանցքով ազատ երթևեկությունը»,- այս մասին ԱԺ արտահերթ նիստում նշեց փոխնախագահ Ռուբեն Ռուբինյանը:

Նրա խոսքով՝ Լաչինի միջանցքում ստեղծված իրավիճակը պետք է հանգուցալուծվի երկու կոմպոնենտների իրագործմամբ՝ Ադրբեջանը պետք է դադարի խախտել նոյեմբերի 9-ի փաստաթղթի 6-րդ կետը, ըստ որի պարտավորվել է վտանգի չենթարկել ազատ երթևեկությունը Լաչինի միջանցքով, ռուս խաղաղապահներն էլ պետք է վերականգնեն իրենց վերահսկողությունը Լաչինի միջանցքի նկատմամբ:

Ռուբեն Ռուբինյանն անդրադարձավ նաև Գեղամ Մանուկյանի՝ ԱԽ քարտուղար Արմեն Գրիգորյանին ուղղված մեղադրանքներին.
«Աբսուրդն էլ սահմաններ ունի: Արմեն Գրիգորյանի մայրն ապրում է Ղարաբաղում, հիմա էլ 120,000 հոգու հետ միասին շրջափակման մեջ է, նրան ասում է ՝ դուք հրաժարվում եք Արցախից, արցախցիներին մենակ եք թողել, դուք ցոփ ու շվայտ կյանք եք վարում, լո՞ւրջ եք ասում»:

Մանրամասները՝ տեսանյութում։