16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Գլխավոր դատախազը ցանկություն չունի աշխատելու. անպատժելիություն է. Նինա Կարապետյանց․ ՏԵՍԱՆՅՈՒԹ
Հասարակություն
20.12.2022 | 11:59
«Հելսինկյան ասոցիացիա» իրավապաշտպան կազմակերպությունն այսօր Գլխավոր դատախազության շենքի դիմաց ասուլիս էր կազմակերպել «Ոչ մարտական պայմաններում մահացած (սպանված) զինծառայողների մահվան դեպքերի առթիվ հարուցված քրեական գործերի քննություններով արդյունքների բացակայության և ճշմարտության բացահայտմանը դատարան-դատախազություն-քննչական համակարգի խոչընդոտման մասին» թեմայով։
«Հելսինկյան ասոցիացիա» իրավապաշտպան ՀԿ ղեկավար Նինա Կարապետյանցը հիշեցրեց, որ վարչապետը խոստացել էր, որ կպատժվեն բոլոր այն մարդիկ, որոնց կատարած հանցագործության վերաբերյալ ապացույցներ կներկայացվեն․ «Սակայն ում անունը տվել են, հիմա նրանց պաշտոնը բարձրացել է»։
Իրավապաշտպանն ընդգծեց, որ նորընտիր Գլխավոր դատախազ Աննա Վարդապետյանը, որը քաջածանոթ է ոչ մարտական պայմաններում մահացած (սպանված) զինծառայողների մահվան դեպքերի գործերին, խոստացել էր՝ «Սևազգեստ մայրերին» լսելու հնարավորություն կընձեռի, սակայն նրանց չի ընդունում։
«Այս գործերով զբաղվելը կարող էր լակմուսի թուղթ լինել, որով Վարդապետյանը կարող էր ապացուցել, որ կարող է լինել Գլխավոր դատախազ․․․ Սակայն Գլխավոր դատախազը ցանկություն չունի աշխատելու»,- նշեց Կարապետյանցը։
Մանրամասները՝ տեսանյութում։
