30.10.2026 | 10:25
Իսրայելի խորհրդարանական ընտրությունների արդյունքներով ոչ մի քաղաքական դաշինք մեծամասնություն չի ստացել
ՌԴ ՊՆ-ն հայտնում է, որ շարունակում է բանակցությունները Գորիս-Ստեփանակերտ ճանապարհի բացման շուրջ
Քաղաքականություն
19.12.2022 | 21:41
Ռուս խաղաղապահների հրամանատարությունը շարունակում է բանակցային գործընթացը հայկական և ադրբեջանական կողմերի հետ՝ Ստեփանակերտ-Գորիս ճանապարհով տրանսպորտի անարգել շարժը վերսկսելու շուրջ: Այս մասին ասվում է ՌԴ Պաշտպանության նախարարության հաղորդագրության մեջ:
Նշվում է, որ երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։ Ռուսական խաղաղապահ զորախումբն իր պատասխանատվության գոտում խախտումներ կամ սադրանքներ չի արձանագրել:
Լաչինի միջանցքում, Մարտունու և Մարդակերտի շրջաններում պարեկություն է իրականացվել երեք երթուղիներով։
Հաղորդվում է նաև, որ ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ։
Հիշեցնենք, որ արդեն 8 օր է՝ Ադրբեջանն արգելափակել է Արցախը Հայաստանին կապող միակ ճանապարհը՝ Լաչինի միջանցքը, ինչի պատճառով առաջ են եկել մի շարք մարդասիրական, առողջապահական և այլ բնույթի խնդիրներ։
