14.12.2024 | 17:43
Հաստատվել է ՖԻՖԱ Աշխարհի 2026 թվականի առաջնության որակավորման փուլի խաղացանկը
Օրենքը պետք է նախատեսի գաղտնի միջոցառումների գործողության շրջանակը․ Գենյա Պետրոսյանը ներկայացրեց ՄԻԵԴ չափանիշներն ու միջազգային փորձը․ ՏԵՍԱՆՅՈՒԹ
Հասարակություն
19.12.2022 | 20:41
Իրավունքի զարգացման և պաշտպանության հիմնադրամը Բաց հասարակություն հիմնադրամներ-Հայաստանի և Ժնևի անվտանգության ոլորտի կառավարման կենտրոնի (DCAF) հետ համատեղ՝ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողով է կազմակերպել։
Իրավունքի զարգացման և պաշտպանության հիմնադրամի տնօրեն Գենյա Պետրոսյանը անդրադարձ կատարեց Մարդու իրավունքների եվրոպական դատարանի սահմանած չափանիշներին՝ գաղտնի հսկողության միջոցների կիրառման բնագավառում, միջազգային փորձին, օրենքին համապատասխան միջամտությանը և անօրինական միջամտության դեմ արդյունավետ երաշխիքներին։
«Գիտենք, որ միջամտությունը մասնավոր կյանքի նկատմամբ հարգանքի իրավունքին պետք է իրականացվի օրենքին համապատասխան, սակայն երբ խոսքը գաղտնի վերահսկողական միջոցների մասին է, օրենքին համապատասխան ձևակերպումը ենթադրում է նաև հստակ չափորոշիչներ, օրենքի որակին համապատասխանություն՝ իրավունքի գերակայության համատեղելիության տեսանկյունից, օրենքի հասանելիություն շահագրգիռ անձանց և մանրակրկիտ կանոնակարգումներ գաղտնի վերահսկողական միջոցների կիրառման հարցերով, ինչպես նաև իրավասու մարմինների հայեցողական լիազորությունների ուրվագծում։
Բացի դրանից՝ օրենքը պետք է նախատեսի անօրինական միջամտությունների դեմ երաշխիքների ցանկ։ ՄԻԵԴ-ի պրակտիկան ուրվագծում է այդ երաշխիքները․ մասնավորապես օրենքը պետք է նախատեսի գաղտնի միջոցառումների գործողության շրջանակը։
Միջոցառումների տևողությունը և դադրեցումը ևս հստակ պետք է արձանագրված լինի ներպետական օրենսդրությամբ։
Նյութերի պահպանման և ոչնչացման ընթացակարգերը ՄԻԵԴ-ի կողմից ուշադրության ենթակա հարցերի շրջանակում են ընդգրկված»,- նշեց Պետրոսյանը։
Մանրամասները՝ տեսանյութում։
