15.01.2025 | 13:12
ԱԺ ԿԳՄՍ, երիտասարդության սպորտի հարցերի հանձնաժողովի նիստը. ՈՒՂԻՂ
Զասը՝ Լաչինի միջանցքի փակման և ռուս խաղաղապահների հասցեին հնչած մեղադրանքների մասին
Քաղաքականություն
19.12.2022 | 16:56
Հավաքական անվտանգության պայմանագրի կազմակերպությունը (ՀԱՊԿ) նշում է այն բարդ պայմանները, որոնցում ռուս խաղաղապահները գտնվում են Ղարաբաղում, կողմերը պետք է օգնեն նրանց՝ կատարել իրենց առաքելությունը։ Այս մասին հայտարարել է ՀԱՊԿ գլխավոր քարտուղար Ստանիսլավ Զասը՝ 2022 թվականին կազմակերպության գործունեության արդյունքների վերաբերյալ ամփոփիչ ասուլիսում։
«Այն առաքելությունը, որ ռուս խաղաղապահները կատարում են Ղարաբաղում, շատ կարևոր է ամբողջ կովկասյան տարածաշրջանի համար․ դժվար է գերագնահատել այն, այնտեղ խաղաղապահները շատ կարևոր խնդիր են լուծում։ Իհարկե, մենք մեզ համար նշում ենք այն բարդ պայմանները, որոնցում նրանք ստիպված են լուծել այդ խնդիրները և իրավիճակի սրումը, որն այժմ այնտեղ գրանցվում է, այդ թվում՝ Լաչինի միջանցքի արգելափակումը»,- ասել է նա։
Անդրադառնալով ռուս խաղաղապահներին ուղղված սադրիչ գործողություններին՝ Զասը նշել է, որ կողմերը պետք է օգնեն նրանց։
«Ինչ վերաբերում է խաղաղապահների գործունեությանը, ապա ես կարծում եմ, որ բոլոր կողմերը պետք է օգնեն նրանց և շահագրգռված լինեն խաղաղապահ զորակազմի գործունեությամբ»,- ասել է Զասը։
Տաթև Ֆռանգյան
