09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Գաղտնի հսկողության միջոցներ․ ՄԻԵԴ չափանիշներ և միջազգային փորձ, ՀՀ օրենսդրության խնդիրներ․ ՈՒՂԻՂ
Քաղաքականություն
19.12.2022 | 14:25
Իրավունքի զարգացման և պաշտպանության հիմնադրամը Բաց հասարակություն հիմնադրամներ-Հայաստանի և Ժնևի անվտանգության ոլորտի կառավարման կենտրոնի (DCAF) հետ համատեղ կազմակերպել են «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողով։
Աշխատաժողովի ընթացքում ներկայացվելու են ԻԶՊՀ «Մարդու իրավունքների եվրոպական կոնվենցիայի 8-րդ հոդվածի խախտում արձանագրած ՄԻԵԴ վճիռների ուսումնասիրություն» ծրագրի ընթացքում վեր հանված խնդիրները։ Մասնավորապես անդրադարձ է կատարվելու Մարդու իրավունքների եվրոպական դատարանի սահմանած չափանիշներին, օրենքին համապատասխան միջամտությանը և անօրինական միջամտության դեմ արդյունավետ երաշխիքներին, Մարդու իրավունքների եվրոպական կոնվենցիայի 8-րդ հոդվածի խախտման հիմքով Հայաստանի դեմ կայացված վճիռներին և ՀՀ ազգային օրենսդրությանը՝ ՄԻԵԴ սահմանած չափանիշների համատեքստում։ Բացի սրանից՝ բանախոսները կանդրադառնան արտաքին հսկողության խնդիրներին։ Հրավիրյալ միջազգային փորձագետները կներկայացնեն ոլորտի միջազգային լավագույն փորձը՝ անդրադառնալով դատական վերահսկողությանը և արտաքին հսկողությունը։
Ծրագիրն իրականացվել է Բաց հասարակություն հիմնադրամներ-Հայաստանի աջակցությամբ։ Աշխատաժողովի կազմակերպմանն աջակցել է Ժնևի անվտանգության ոլորտի կառավարման կենտրոնը (DCAF)։
