09.10.2026 | 15:23
ԱԱԾ-ն հերքում է Մեղրիում ադրբեջանցիների լինելու լուրը // Ադրբեջաներեն երգ՝ Փաշինյանի տեսանյութում․ ԼՈՒՐԵՐ
ՌԴ-ն և Չինաստանը դեկտեմբերի 21-27-ը համատեղ զորավարժություններ կանցկացնեն Արևելաչինական ծովում
Քաղաքականություն
19.12.2022 | 14:58
Ռուսաստանն ու Չինաստանը դեկտեմբերի 21-ից 27-ը Արևելաչինական ծովում գործնական հրթիռային և հրետանային կրակոցներով ռազմածովային զորավարժություններ կանցկացնեն։ Այս մասին հայտնել է ՌԴ Պաշտպանության նախարարությունը, փոխանցում է Ինտերֆաքսը։
«Խաղաղօվկիանոսյան նավատորմի ռազմանավերի ջոկատը ծով է դուրս բերվել Վլադիվոստոկից՝ մասնակցելու ռուս-չինական համատեղ ռազմածովային «Ծովային փոխգործակցություն-2022» զորավարժություններին, որոնք կանցկացվեն դեկտեմբերի 21-ից 27-ը Արևելաչինական ծովի ջրերում»,- ասվում է հաղորդագրության մեջ։
Ռուս զինվորականների խոսքով՝ զորավարժությունների ակտիվ մասի ընթացքում նախատեսվում է համատեղ հրթիռային և հրետանային կրակոցներ, ինչպես նաև համատեղ հակասուզանավային գործողությունների զարգացում՝ զենքի գործնական կիրառմամբ։
«Զորավարժությունների հիմնական նպատակն է ամրապնդել ռազմածովային համագործակցությունը Ռուսաստանի Դաշնության և Չինաստանի Ժողովրդական Հանրապետության միջև, պահպանել խաղաղությունն ու կայունությունը Ասիա-խաղաղօվկիանոսյան տարածաշրջանում»,- հայտնել են ՌԴ ՊՆ-ից:
Հիշեցնենք, որ ավելի վաղ ՌԴ ԱԳ նախարար Սերգեյ Լավրովը հայտարարել էր, թե ՆԱՏՕ-ի և եվրոպական երկրների գործողությունները պայթյունավտանգ իրավիճակ են ստեղծում Ասիա-խաղաղօվկիանոսյան տարածաշրջանում, ինչին ի պատասխան՝ ՌԴ-ն ու Չինաստանն ամրապնդում են ռազմական համագործակցությունը և համատեղ վարժանքներ են անցկացնում։
Տաթև Ֆռանգյան
