29.10.2026 | 23:25
Ջրագիծ է վնասվել. Գյումրիում ջրանջատում է
Մեծ Բրիտանիան Ուկրաինային 250 մլն ֆունտ արժողությամբ հրետանային զինամթերք կտրամադրի
Քաղաքականություն
19.12.2022 | 17:21
Մեծ Բրիտանիայի վարչապետ Ռիշի Սունակն այսօր մասնակցելու է Միասնական արշավային ուժերի (JEF) անդամ երկրների հանդիպմանը՝ նվիրված Հյուսիսային և Բալթյան տարածաշրջաններում ռուսական սպառնալիքին դիմակայելուն, գրում է BBC-ի ռուսական ծառայությունը։
Բրիտանիայի վարչապետը կոչ է անելու JEF-ի ղեկավարներին 2023 թվականին պահպանել կամ գերազանցել Ուկրաինային աջակցության ներկայիս մակարդակը։ Մեծ Բրիտանիան հայտարարելու է, որ հաջորդ տարի Ուկրաինային մատակարարելու է 100,000 հրետանային սպառազինություն՝ 250 մլն ֆունտ սթեռլինգ արժողությամբ։ Լոնդոնը Ուկրաինային սպառազինության առաջատար եվրոպական մատակարարն է, ներառյալ՝ մի քանի հրթիռային կայաններ, իսկ վերջերս Կիևին նվիրաբերել է 125 զենիթային զենք:
Ռիգայում կայանալիք JEF-ի հանդիպմանը, որին մասնակցելու են Դանիայի, Ֆինլանդիայի, Էստոնիայի, Իսլանդիայի, Լատվիայի, Լիտվայի, Նիդեռլանդների, Շվեդիայի, Նորվեգիայի և Մեծ Բրիտանիայի ղեկավարները, ելույթ է ունենալու նաև Ուկրաինայի նախագահ Վլադիմիր Զելենսկին։
Հանդիպման մասնակիցները քննարկելու են, մասնավորապես, Ուկրաինայի հակաօդային պաշտպանության ուժեղացման անհրաժեշտությունը։
Էմմա Չոբանյան
