23.04.2026 | 15:36
Թուրքիան արգելել է 15 տարեկանից փոքր երեխաների մուտքը սոցիալական ցանցեր
Ըստ Ադրբեջանի, այսպես կոչված, հանքի «մոնիթորինգն» ավելի կարևոր է, քան 120 հազար մարդու կյանքը․ էդմոն Մարուքյան
Քաղաքականություն
19.12.2022 | 10:36
ՀՀ հատուկ հանձնարարություններով դեսպան Էդմոն Մարուքյանը թվիթերյան գրառմամբ անդրադարձել է Ադրբեջանի կողմից Լաչինի միջանցքը շրջափակելու փաստին։
«Ըստ Ադրբեջանի, այսպես կոչված, հանքի «մոնիթորինգն» ավելի կարևոր է, քան 120 հազար մարդու կյանքը, որից 30 հազարը՝ երեխա»,- գրել է Մարուքյանը՝ հեշթեգերում նշելով ԱՄՆ պետքարտուղար Էնթոնի Բլինքենին, Եվրոպական խորհրդի նախագահ Շառլ Միշելին և Ֆրանսիայի Հանրապետության նախագահ Էմանուել Մակրոնին։
Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող միակ ճանապարհը` ոտնահարելով քաղաքացիական բնակչության կենսական շահերն ու իրավունքները:
Նշենք նաև, որ Ադրբեջանը դեկտեմբերի 13-ից դադարեցրել էր Արցախի Հանրապետության գազամատակարարումը, դեկտեմբերի 16-ին գազամատակարարումը վերականգնվել է։
