26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Հրդեհ Վանաձորում. սենյակներից մեկում հայտնաբերվել է այրված մարմին (թարմացված)
17.12.2022 | 23:57
Դեկտեմբերի 17-ին, ժամը 12։06-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Հյուսիսային 17 փողոցում այրվում է մեկհարկանի տուն։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ Հյուսիսային փողոցում այրվում է երկու բնակելի տուն։
Հայտարարվել է հրդեհի բարդության «Թիվ 2» կանչ․ դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից ևս երկու մարտական հաշվարկ։
Փրկարարները տներից մեկի հյուրասենյակի հատակին հայտնաբերել են Վ․ Ո․-ի (ծնված 1931 թ․) այրված դին։
Ինչպես տեղեկացնում են ՀՀ ԱԻՆ-ից՝ հրդեհը մեկուսացվել է ժամը 12։55-ին, մարվել՝ 14։32-ին։ Տներից մեկն այրվել է (մոտ 36 քմ, մեկհարկանի), իսկ տանը կից բնակելի շինության տանիքի կառուցատարրերը (մոտ 2 քմ)՝ մասամբ ջերմահարվել։ Այրվել են մյուս տան առաջին հարկի բնակելի հատվածը (մոտ 96 քմ) և երկրորդ հարկը՝ գույքով (մոտ 75 քմ), իսկ առաջին հարկում ջերմահարվել է կայանած «BMW» մակնիշի ավտոմեքենայի տանիքը: Փրկարարները կանխել են հրդեհի տարածումը դեպի մոտակա տներ և շինություններ։
