16.09.2026 | 09:45
ՀՀ տարածքում ավտոճանապարհներն անցանելի են
Ռուբեն Վարդանյանը՝ Արցախում կայանալիք հանրահավաքի մասին․ ՏԵՍԱՆՅՈւԹ
Քաղաքականություն
16.12.2022 | 18:52
Արցախի պետնախարար Ռուբեն Վարդանյանը ֆեյսբուքյան ուղիղ եթերով հայտնեց վաղվանից մեկնարկող հանդիպումների մասին՝ Արցախի տարբեր շրջանների բնակչության հետ:
Վարդանյանն առավոտյան ասել էր, որ վաղը Ստեփանակերտում հանրահավաք է սպասվում, սակայն գործընկերների հետ երկար քննարկումների արդյունքում որոշել են նախ գնալ Մարտակերտ, ապա Մարտունի, հաջորդ օրն Ասկերան, որից հետո պարզ կլինի՝ ինչպես են կազմակերպելու հանրահավաքը Ստեփանակերտում:
«Մենք ունենք խնդիր, թե ոնց անենք, որ այս հանրահավաքը դառնա այնպիսի հանրահավաք, որը եղել է 1990-ականների սկզբին: Դա պետք է լինի անկեղծ շփում կառավարության ու ժողովրդի միջեւ:
Դրա համար երկար քննարկումներից հետո որոշել ենք վաղը գնալ Մարտակերտ, այնտեղ ժամը երեքին հանդիպում անցկացնենք, հնարավորություն կունենանք մարդկանց հետ շփվելու, հաջորդ օրը կգնանք Մարտունի, հաջորդ օրը՝ Ասկերան, և դրանից հետո պարզ կլինի, թե ինչպես կազմակերպենք հանրահավաքը Ստեփանակերտում»,- նշեց Վարդանյանը:
Մանրամասները՝ տեսանյութում։
