Քաղաքականություն
16.12.2022 | 22:57
Թուրքիան մտադիր է մոտ ապագայում դառնալ գազի գնագոյացման համաշխարհային կենտրոն։ Այս մասին հայտարարել է Թուրքիայի առաջնորդ Թայիփ Էրդողանը Ստամբուլի մերձակայքում գտնվող Սիլիվրի շրջանում ստորգետնյա գազապահեստարանի նոր հզորությունների գործարկման արարողության ժամանակ, որը նա անվանել է ամենամեծը Եվրոպայում, գրում է ՏԱՍՍ-ը։
«Մենք բանակցություններ են անցկացրել ՌԴ նախագահ Վլադիմիր Պուտինի հետ թուրքական տարածքում գազային հանգույցի ստեղծման համար։ Թրակիան կդառնա էներգետիկ կենտրոն։ Մեր նպատակն է հնարավորինս կարճ ժամանակում Թուրքիան դարձնել գազի գնագոյացման համաշխարհային կենտրոն»,-ասել է Էրդողանը։
Հիշեցնենք, որ հոկտեմբերի 13-ին Աստանայում տեղի էր ունեցել Թուրքիայի նախագահ Ռեջեփ Թայիփ Էրդողանի ու ՌԴ նախագահ Վլադիմիր Պուտինի հանդիպումը, որի ընթացքում ռուսական կողմն Անկարային առաջարկել էր գազային հանգույց ստեղծել Եվրոպա մատակարարումների համար։
Աստանայից վերադառնալիս էլ լրագրողների հետ զրույցում Էրդողանն ասել էր, որ Թուրքիայի Էներգետիկայի և բնական պաշարների նախարարությանը և ռուսական կողմից համապատասխան գերատեսչություններին հանձնարարվել է համատեղ քայլեր մշակել այդ ուղղությամբ։ Նա նաև նշել էր, որ Թրակիայի շրջանը կարող է դառնալ նոր գազային հանգույցի ստեղծման ամենահարմար վայրը։
Էմմա Չոբանյան
