30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ՌԴ-ն հերթական զանգվածային հրթիռային հարձակումն է իրականացրել․ ամբողջ Ուկրաինայում հոսանքի վթարային անջատումներ են
Քաղաքականություն
16.12.2022 | 20:13
Ուկրաինայի մի քանի շրջանների վրա առավոտյան զանգվածային հրթիռային հարձակումներից հետո ամբողջ երկրում էլեկտրաէներգիայի արտակարգ անջատումներ են տեղի ունենում։ Այս մասին ասել է Ուկրաինայի նախագահի աշխատակազմի ղեկավարի տեղակալ Կիրիլ Տիմոշենկոն։
Կիևը, Խարկովը և Կիրովոգրադի ողջ մարզն առաջինն էին, որ լիովին հոսանքազրկվեցին։
«Ուկրաինայի որոշ տարածքների ուղղությամբ հրթիռային հարվածների հետևանքով Կիրովոգրադի մարզը նույնպես ամբողջությամբ հոսանքազրկված է», – ասել է Կիրովոգրադի շրջանային վարչության ղեկավար Անդրեյ Ռայկովիչը։
Մյուս մարզերում դա արվում է կանխարգելիչ կերպով։
Ժիտոմիրի շրջանում լույսն անջատվել է օդային գրոհի առաջին րոպեներին։
Տարածաշրջանի նահանգապետ Վիտալի Բունեչկոն բացատրել է, որ այս կերպ իշխանությունները հույս ունեն խուսափել մեծածավալ վնասներից հրթիռային հարվածի դեպքում։
Չերկասի շրջանում և Կրիվոյ Ռոգում ամբողջությամբ անջատված է էլեկտրաէներգիան։
Կիևը նաև ջրամատակարարման հետ կապված խնդիրներ ունի։ Քաղաքապետ Վիտալի Կլիչկոյի խոսքով՝ սա կապված է էներգետիկ ենթակառուցվածքների վնասով։
