25.11.2024 | 19:14
Ինչու է իջեցվել Կառավարության շենքի վրայի դրոշը
Եթե ՌԴ-ին ՄԱԿ-ի ԱԽ-ից հեռացնելու միջոց լիներ, անմիջապես կանեինք դա․Սպիտակ տուն
Քաղաքականություն
16.12.2022 | 21:27
ԱՄՆ նախագահի վարչակազմը գտնում է, որ Ռուսաստանը պետք է հեռացվի ՄԱԿ-ի Անվտանգության խորհրդի կազմից, սակայն կազմակերպության կանոնները դա թույլ չեն տալիս։ Այս մասին հայտարարել է Սպիտակ տան մամուլի խոսնակ Քարին Ժան Պիեռը, գրում է Meduza-ն։
«Ռուսաստանի գործողությունները Ուկրաինայում ՄԱԿ-ի կանոնադրության խախտում են ու ԱԽ մանդատի վարկաբեկում։ Մենք վրդովվեցուցիչ ենք համարում, որ ԱԽ մշտական անդամը խախտում է կազմակերպության կանոնադրությունն ու Ուկրաինայում դաժան պատերազմ վարում, վրդովեցուցիչ ենք համարում ՌԴ ձգտումը՝ ոչնչացնել երկրի կարևոր ենթակառուցվածքները մարդկային տառապանքը մեծացնելու համար: Եթե Ռուսաստանին ՄԱԿ-ի Անվտանգության խորհրդի կազմից դուրս հանելու միջոց լիներ, մենք անմիջապես կսկսեինք դա անել»,- լրագրողների հետ ճեպազրույցում ասել է խոսնակը։
Նրա խոսքով՝ քանի որ ՄԱԿ-ի կանոնները թույլ չեն տալիս Ռուսաստանին ԱԽ-ից հեռացնել, ԱՄՆ-ն մտադիր է հասնել նրա մեկուսացմանը բոլոր միջազգային հարթակներում, նաև պատասխանատվության ենթարկել պատժամիջոցների ու հարկադրանքի միջոցով։
«Ռուսաստանը ագրեսոր է։ Սա չպետք է մոռանալ։ Հենց Ռուսաստանն է սկսել այս պատերազմը»,- եզրափակել է մամուլի քարտուղարը։ Նա նաև ընդգծել է, որ ԱՄՆ շարունակելու է աջակցել Ուկրաինային «այնքան, որքան անհրաժեշտ է»։
ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով Սպիտակ տան մամուլի քարտուղարի խոսքերը, թելեգրամյան իր ալիքում գրել էր, որ «եթե Ռուսաստանը ոչնչացնելու միջոց լիներ, նրանք անմիջապես կանեին դա»։
Էմմա Չոբանյան
