16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Վտանգված են 120 հազար բնակչի ոչ միայն հիմնարար իրավունքները, այլև կյանքն ու անվտանգությունը․ ՏԵՍԱՆՅՈՒԹ
Հասարակություն
16.12.2022 | 15:19
Արդեն 5 օր է՝ Արցախը շրջափակված է․ փակված է Արցախը։ Դեկտեմբերի 12-ից սկսած՝ Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։ 1100 մարդ, այդ թվում 270- երեխա, չեն կարողանում վերադառնալ սեփական տները։ Ստեփանակերտի Հանրապետական հիվանդանոցում ծայրահեղ ծանր վիճակում հիվանդներ կան, որ փակ ճանապարհի պատճառով չեն կարողանում Երևան հասնել։ Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը՝ստեղծելով լուրջ դժվարություններ բնակչության համար։
«Սրանք ցեղասպանության նախապատրաստական քայլերն են, գոնե էթնիկ զտման հստակ քայլեր են, որովհետև հասկանում ենք, որ այնտեղ բնապահպաններ չեն»,- այս մասին «Հումանիտար աղետ. ի՞նչ գործիքներ ունեն Հայաստանն ու Արցախը կանխելու ճգնաժամը» թեմայով ասուլիսում այս մասին նշեց Միջազգային իրավունքի մասնագետ Արա Ղազարյանը։ «Ճանապարհին մնացել են մարդիկ, որոնք հաշմանդամություն ունեն, մնացել են երեխաներ, որոնք զրկված են կրթությունից, սոցիալ-մշակութային-տնտեսական իրավունքներն են խախտված. այսինքն՝ մենք ունենք բլոկադա, իսկ բլոկադան պատերազմի նախապատրաստման ակտ է։
Սա արդեն ներգրավում է ոչ միայն մարդու իրավունքի կոնցեպտը, այլ նաև ցույց է տալիս, որ պետությունը տարածաշրջանում արդեն ոչ սպառնալիք է, այլ վտանգ։ Սովորական տեղաշարժի իրավունքը վերցնում ենք, միացնում ենք մարդու իրավունքների բազմաթիվ հայեցակարգեր և դա դնում ենք ավելի լայն օղակով, և տեսնում ենք, որ դա բլոկադա է»,- նշեց Ղազարյանը՝ ընդգծելով՝ սրանք ցեղասպանության նախապատրաստման քայլեր են։
Մանրամասները՝ տեսանյութում։
