Ադրբեջանական մամուլում կրկին սկսվել է ատելության խոսքի տարածումը. Արցախի ՄԻՊ․ ՏԵՍԱՆՅՈՒԹ

Երեկ հրապարակվել է Արցախի Հանրապետության և Հայաստանի Հանրապետության մարդու իրավունքի պաշտպանների համատեղ արտահերթ զեկույցը այն մասին, թե ինչ հետևանքներ կարող է ունենալ Լաչինի միջանցքի փակումը։

Նշենք, որ արդեն 5 օր է՝ փակված է Արցախը Հայաստանին կապող միակ ճանապարհը․ շուրջ 120000 մարդ մնացել է շրջափակման մեջ:

Ադրբեջանական մամուլում կրկին սկսվել է ատելության խոսքի տարածումը։

«ՄԻՊ թեժ գծին անընդհատ ստացվում են իրավունքների խախտումների վերաբերյալ ահազանգեր, նաև ձևավորվել են 2 փաստահավաք աշխատանքային խմբեր, որոնք տարբեր ուղղություններով մոնիթորինգ են իրականացնում՝ մեկը զբաղված է բժշկական հաստատություններում արձանագրվող խնդիրները վեր հանելով, մյուսը՝ գազամատակարարման դադարեցման հետևանքով առաջացած խնդիրների արձանագրմամբ։

Ցավոք, և՛ ՀՀ, և՛ Արցախի ՄԻՊ գրասենյակները նման ճգնաժամային իրավիճակներով շատ են անցել, արդեն իմունիտետ է ձեռք բերվել, և պրակտիկա է ձևավորվել․ հենց որ նման իրավիճակ է ստեղծվում, ամեն մարդ գիտի իր անելիքը․ սկսվում են նաև բաց աղբյուրներով տարածվող ատելության խոսքի մշտադիտարկումները, սկսվում են ադրբեջանցի հանրային գործիչների տարածած հայտարարությունների դիտարկումները՝ նպատակ ունենալով այնպիսի փաստերով և հագեցվածությամբ ներկայացնել զեկույցը, որ որևէ մեկի մոտ կասկած չառաջանա, թե ինչ է անում Ադրբեջանը և որն է նրա նպատակը»,- «Հումանիտար աղետ. ի՞նչ գործիքներ ունեն Հայաստանն ու Արցախը կանխելու ճգնաժամը» թեմայով քննարկման ժամանակ նշեց Արցախի ՄԻՊ Գեղամ Ստեփանյանը։

Մանրամասները՝ տեսանյութում։