29.10.2026 | 23:25
Ջրագիծ է վնասվել. Գյումրիում ջրանջատում է
Ռուս խաղաղապահները պետք է ունենան խաղաղությունը պարտադրելու մանդատ. Դավիթ Բաբայան․ ՏԵՍԱՆՅՈՒԹ
16.12.2022 | 14:33
«Մենք պետք է լինենք օբյեկտիվ. եթե չլիներ ռուս խաղաղապահ առաքելությունը՝ Արցախը վաղուց կործանված կլիներ»,- այս մասին այսօր ԱԺ-ում լրագրողների հետ զրույցում նշեց Արցախի արտաքին գործերի նախարարի պաշտոնակատար Դավիթ Բաբայանը՝ անդրադառնալով հարցին, թե ինչպես է գնահատում ռուս խաղաղապահների գործողությունները:
«Մյուս կողմից՝ տեսնում ենք, որ խաղաղապահ առաքելության ներուժը, որն ուղիղ ածանցյալ է մանդատից, պետք է ավելանա։ Այդ տեսակետից մեր առաջարկները հնչեցրել ենք տարբեր ատյաններում: Նախևառաջ պետք է ավելանա ռուս խաղաղապահների թվաքանակը, երկրորդ հերթին՝ խաղաղապահներրը պետք է ստանան միջազգային մանդատ։
Սա կնշանակի, որ նրանք խաղաղապահի մանդտի հետ մեկտեղ կունենան նաև խաղաղությունը պարտադրելու լիազորություններ, ինչպես եղել է Կոսովոյում, Բոսնիայում»,- նշեց Բաբայանը:
Անդրադառնալով հարցին, թե ճիշտ են շրջանառվող այն տեղեկություններին, թե ռուս խաղաղապահները մեքենաներով հումանիտար օգնություն են հասցրել Արցախին, Դավիթ Բաբայանը նշեց. «Ինչքան գիտեմ, ռուս խաղաղապահները հումանիտար օգնություն հասցրել են Շուշիի շրջանի բնակավայրերին՝ Մեծ Շեն, Հին Շեն, այդ հատվաշներն այս պահին կտրված են Ստեփանակերտից և Արցախի մնացած մասից․ այնտեղ հումանիտար օգնություն են հասցրել»:
Մանրամասները՝ տեսանյութում։
