26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
ՌԴ ԱԳՆ-ն հայտարարում է, որ Սիրիայի ու Թուրքիայի սահմանին իրավիճակը «շարունակում է բարդ մնալ»
Քաղաքականություն
16.12.2022 | 22:39
Թուրք-սիրիական սահմանին իրավիճակը շարունակում է բարդ մնալ, սակայն հաշվի առնելով կողմերի մտահոգությունները՝ այս իրավիճակը կարող է լուծվել։ Այս մասին «Россия-24» հեռուստաալիքի եթերում ասել է ՌԴ ԱԳ փոխնախարար Սերգեյ Վերիշինը, գրում է ՏԱՍՍ-ը։
«Սիրիայի ու Թուրքիայի սահմանին իրավիճակն, իհարկե, բարդ է։ Սակայն կարծում եմ, որ եթե գնանք կողմերի մտահոգությունների ճանապարհով,գնանք մտահոգությունները հաշվի առնելու ճանապարհով՝ հիմնվելով Սիրիայի ինքնիշխանության և տարածքային ամբողջականության վրա, ապա կարծում եմ, ամեն ինչ կարելի է լուծել, մանավանդ, որ դրանից կշահի ոչ միայն երկիրը, այլև տարածաշրջանում ընդհանուր իրավիճակը՝ կայունության տեսակետից»,-ասել է Վերիշինը։ Նա նշել է, որ ՌԴ-ն ուշադրությամբ հետևում է Սիրիայի շուրջ իրավիճակի զարգացմանը։
«Մենք գնահատում ենք մեր համագործակցությունը Աստանայի ձևաչափի շրջանակում, որում մասնակցում են ՌԴ-ն, Թուրքիան ու Իրանը, որն իրականում շատ բան է արել Սիրիայում կարգավորմանը նպաստելու համար»,-ասել է ՌԴ ԱԳ փոխնախարարը։ Հավելենք, որ Թուրքիայի իշխանությունները սպառնում են Սիրիայում նոր ցամաքային ռազմական գործողություն իրականացնել։
Էմմա Չոբանյան
