09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Փաստաբան Էրիկ Ալեքսանյանն ազատ կարձակվի
Հասարակություն
16.12.2022 | 14:00
Փաստաբան Էրիկ Ալեքսանյանն ազատ կարձակվի․ Երևանի ընդհանուր իրավասության դատարանը՝ նախագահությամբ դատավոր Արշակ Մաթևոսյանի, քիչ առաջ որոշեց մերժել Ազգային անվտանգության ծառայության միջնորդությունը՝ Ալեքսանյանի խափանման միջոց կալանավորումը երկու ամսով երկարացնելու վերաբերյալ։ Այս մասին Factor.am-ի հետ զրույցում ասաց Ալեքսանյանի փաստաբան Գայանե Պապոյանը։
Ալեքսանյանի կալանքի ժամկետը երկարացնելու վերաբերյալ ԱԱԾ-ի միջնորդությունը դատարանը քննել էր երեկ և ուշ երեկոյան հեռացել առանձին սենյակ՝ որոշում կայացնելու։
Հիշեցնենք, որ Էրիկ Ալեքսանյանը հոկտեմբերի 17-ին ձերբակալվել, ապա՝ կալանավորվել էր։ Նա մեղադրվում է Երևանի ընդհանուր իրավասության դատարանի դատավոր Արուսյակ Ալեքսանյանին պաշտոնեական լիազորություններն անցնելու հարցում օժանդակելու համար։
Գործը վերաբերում է դատավոր Արուսյակ Ալեքսանյանի կայացրած դատական ակտերից մեկին։ Ալեքսանյանը որոշել է 2․5 մլն դրամ գրավի դիմաց ազատ արձակել քրեական հեղինակություն համարվող Սերգեյ Գրիգորյանին, որը հայտնի է Ֆազ մականունով և փաստաբան Էրիկ Ալեքսանյանի պաշտպանյալն է: Փաստաբան Ալեքսանյանն ասում է, որ ինքն ընդամենը կատարել է իր մասնագիտական պարտականությունն ու գրավ կիրառելու միջնորդություն ներկայացրել դատարան։ Նա անհիմն էր որակել նաև դատավոր Արուսյակ Ալեքսանյանի մեղադրանքը։
Արաքս Մամուլյան
