12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
ԱՄՆ-ն չի բացառում Թուրքիայի դեմ պատժամիջոցների կիրառումը՝ սահմանափակումները շրջանցելու հարցում ՌԴ-ին օգնելու համար
Քաղաքականություն
16.12.2022 | 22:02
ԱՄՆ Պետքարուղարության պատժամիջոցների համակարգման գրասենյակի ղեկավար, դեսպան Ջեյմս Օ Բրայանը ճեպազրույցում հայտարարել է, որ չի բացառվում Թուրքիայի դեմ պատժամիջոցները։
Մասնավորապես, պատասխանելով լրագրողի հարցին, թե Թուրքիայի կառավարությունը բազմիցս հայտարարել է, որ Թուրքիան մտադիր չէ միանալ Ռուսաստանի դեմ պատժամիջոցներին, և որ և՛ Էրդողանի, և՛ Պուտինի կողմից կան հայտարարություններ երկու երկրների միջև տնտեսական հարաբերությունների զարգացման վերաբերյալ, նաև Թուրքիայում տարածաշրջանային գազային հանգույցի ստեղծման պլաններ, Օ Բրայանը նշել է, որ Թուրքիան կարևոր դերակատարում ունի հակամարտությունում։ Մասնավորապես, ըստ նրա՝ խոսքը անօդաչուների մասին է, որոնք օգնում են Ուկրաինային, Անկարան նաև հացահատիկային նախաձեռնության հովանավորն է։
«Մենք չափազանց հստակ ենք եղել և՛ Թուրքիայի կառավարության, և՛ թուրքական մասնավոր հատվածի հետ, որ ակնկալում ենք պատժամիջոցների պահպանում։ Մենք տեսել ենք, որ թուրքական մասնավոր հատվածը շատ հստակ է այս հարցում և հիմնականում համապատասխանում է դրան: Այն, ինչ ես ակնկալում եմ հաջորդ ամիսների ընթացքում, մի քանի բան է: Առաջինը՝ մենք կշարունակենք սերտորեն համագործակցել թուրքական իշխանությունների և մասնավոր հատվածի հետ, որպեսզի տեսնենք համապատասխանությունը, և երբ համապատասխանության բացակայություն լինի, գործողություններ կձեռնարկվեն: Երբեմն այդ գործողությունը լրացուցիչ պատժամիջոցներն են պատժամիջոցներից խուսափելու նյութական աջակցության համար»,-ասել է պաշտոնյան։ Ըստ նրա՝ Թուրքիայի ստիպված կլինի փոխել փոխել Ռուսաստանի հետ շարունակվող համագործակցության որոշ պլաններ։
Էմմա Չոբանյան
