11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Արցախի մի քանի հանքեր հավատարմագրել են անգլոասիական կորպորացիայի կառավարմանը. Նազելի Վարդանյան․ ՏԵՍԱՆՅՈՒԹ
Տնտեսություն
15.12.2022 | 12:50
Աշխարհում սկսվել են ռեսուրասյին պատերազմներ․ բնական ռեսուրսների շուրջ են այսօր պատերազմները։ «Ադրբեջանի բնապահպանական հանցագործությունները. ներկայացնում են բնապահպանները» թեմայով քննարկման ժամանակ այս տեսակետը հայտնեց փաստաբան, էկոլոգիական իրավունքի մասնագետ Նազելի Վարդանյանը։
Նրա դիտարկմամբ՝ 2020 թվականի պատերազմը և 2022 թվականի հարձակումներն ուղղված են բնական պաշարների զավթմանը և դրանով տնտեսական գերակա դիրք զբաղեցնելուն։
«Վերջին տարիներին Ադրբեջանի ռազմական գործողությունները վկայում են այն մասին, որ զավթվել են այն տարածքները, որոնք ջրահավաք ավազաններ են, հանքավայրեր են և անտառներ։
Այդ ամենը եթե չլինի, երկիրը կկորցնի իր կենսունակությունը․․․ Իսկ միջազգային հանրությունը լռում է։
2020 թվականի հոկտեմբերի 26-ին, երբ Զանգելանի շրջանը դեռ մեր վերահսկողության տակ էր, և պարզ չէր, թե ինչով էր ավարտվելու պատերազմը, Ադրբեջանի շրջակա միջավայրի նախարարությունը պայմանագիր էր կնքել․ մրցույթ էր հայտարարել և այդ մրցույթում հաղթել էր անգլիոասիական կորպորոացիան և Զանգելանի հանքի կառավարումը տրվել էր նրան։
Այս տարի նույն կազմակերպության հետ կինքվել է պայմանագիր Արցախի մի քանի հանքերի, այդ թվում նաև Կաշենի հանքի վերաբերյալ, ևս ըստ հրապարակված տվյալների՝ Ադրբեջանը դրա դիմաց 3 միլիարդ դոլար գումար է ստացել»,- նշեց Վարդանյանը։
Մանրամասները՝ տեսանյութում։
