16.01.2026 | 13:12
Ալեն Սիմոնյանի ճեպազրույցը. ՈւՂԻՂ
«Հողի վրա ոչինչ չի սարքվում, բայց շինթույլտվությունը երկարացվում է․ կառուցապատողը պետք է գին վճարի»․ ՏԵՍԱՆՅՈՒԹ
Տնտեսություն
15.12.2022 | 12:34
Հայաստանի Հանրապետության հարկային օրենսգրքում և կից օրենքներում փոփոխություններով գործադիրը բարձրացնում է շինարարության թույլտվությունների տրամադրման համար նախատեսված տեղական տուրքի դրույքաչափերը, սահմանում է տուրք նաև շինարարության թույլտվության ժամկետների երկարաձգման համար:
ՀՀ ֆինանսների նախարարի տեղակալ Արման Պողոսյանը ԱԺ տնտեսական հարցերի մշտական հանձնաժողովի արտահերթ նիստում նշեց, որ առաջինից երկրորդ ընթերցում ընկած ժամանակահատվածում Կառուցապատողների հայկական ասոցիացիայի և ոլորտային կառույցների ներկայացուցիչների հետ կայացած հանդիպման ընթացքում ներկայացվել են առաջարկներ, որոնք ընդունվել են
Տեղական տուրքի դրույքաչափի բարձրացումն անհատական բնակելի տների մասով կկիրառվի միայն Երևան քաղաքի վարչական տարածքում: Փաթեթի լրամշակված տարբերակում Կառավարությունն առաջարկում է փոփոխությունները չտարածել սահմանամերձ բնակավայրերի վրա:
Նախատեսվում է շինարարության թույլտվության ժամկետի երկարաձգման տեղական տուրքը նախատեսել երկարաձգման յուրաքանչյուր տարվա համար․ նախատեսվում է նաև իջեցնել դրույքաչափերը: Եթե առաջին անգամ շինարարության թույլտվության ժամկետը երկարացվում է հիմնական թույլտվությամբ նախատեսված ժամկետի ոչ ավելի, քան 20 տոկոսի չափով (1 տարուց ոչ ավելի), ապա տեղական տուրքը կվճարվի կիսով չափ: Իսկ մնացյալ դեպքերում` ամբողջությամբ:
«Քաղաքացիական պայմանագիր» խմբակցության պատգամավոր Հովիկ Աղազարյանը հետաքրքրվեց գործող կարգավորումներով, ինչին ի պատասխան՝ Պողոսյանը նշեց․ «Նշված են ժամկետներ շինարարության թույլտվության համար, բայց կառուցապատողներն ասում են, որ երբևէ այդ ժամկետները չեն պահպանվում, բացառիկ դեպքերում են պահպանվում։ Երբ լրանում է շինթույլտվության ժամկետը, կառուցապատողը դիմում է ժամկետները երկարացնելու համար և դրա համար տուրք չի վճարում, այդպիսի տուրք սահմանված չէ»։
«Մեր նախատեսած օրենսդրական կարգավորմամբ առաջարկվում է տուրք սահմանել։ Եթե հողի վրա ոչինչ չի սարքվում, բայց շինթույլտվությունը երկարացվում է․ կառուցապատողը պետք է գին վճարի, ընդ որում՝ պրոգրեսիվ»,- ընդգծեց ՀՀ ֆինանսների նախարարը։
Մանրամասները՝ տեսանյութում։
