13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Բաքուն հայտնում է երկու զինծառայողի կորստի մասին
Քաղաքականություն
14.12.2022 | 22:45
Ադրբեջանի իրավապահ մարմինները հայտնում են զինծառայողների մահվան մասին։ Մասնավորապես, Ադրբեջանի Զինվորական դատախազությունը հայտնում է, որ դեկտեմբերի 14-ին տեղեկություն է ստացվել ՊՆ N-րդ զորամասի զինծառայող, շարքային Ասլան Ասկերլիի ինքնասպանության մասին։ Դեպքը տեղի է ունեցել Ակնայում։ Փաստի առթիվ հարուցվել է քրեական գործ, կատարվում է քննություն։
Բացի այդ, Ադրբեջանի պետական սահմանապահ ծառայությունն էլ հայտնել սրտի կաթվածից զինծառայողի մահվան մասին։
Նշվում է, որ դեկտեմբերի 14-ին ժամը 12։30 սահմաններում «Կուբաթլու» առանձին սահմանապահ դիվիզիայի ժամկետային զինծառայող, շարքային Ալեքբերլի Միրանի ինքնազգացողությունն անսպասելի վատացել է։ Զինծառայողը ստացել է բուժօգնություն և անմիջապես տեղափոխվել Աղալի գյուղի հիվանդանոց։ Չնայած բժիշկների ջանքերին՝ նրա կյանքը փրկել չի հաջողվել։ Նախնական եզրակացությամբ՝ ենթադրվում է, որ զինծառայողը մահացել է սրտի կաթվածից։
Ընդհանուր առմամբ, վերջին 10 օրվա ընթացքում ադրբեջանցի 6 զինծառայող է մահացել տարբեր հանգամանքներում։
Էմմա Չոբանյան
