23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Փաշինյան-Ալիև-Պուտին նոր հանդիպում կլինի՞․ Արտակ Բեգլարյանը նստացույց է սկսել Երևանում․ Լուրեր
Քաղաքականություն
14.12.2022 | 16:09
- Ռուսաստանի նախագահի խոսնակը հայտարարել է, որ աշխատանքներ են տարվում Հայաստանի, Ռուսաստանի և Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի եռակողմ հանդիպման համաձայնեցման ուղղությամբ, սակայն նրանք առնվազն կկարողանան շփվել ԱՊՀ երկրների ղեկավարների ոչ պաշտոնական գագաթնաժողովի շրջանակներում, դեկտեմբերի վերջին։
- Արցախի պետնախարարի խորհրդական Արտակ Բեգլարյանը անժամկետ նստացույց է սկսել ՄԱԿ-ի երևանյան գրասենյակի դիմաց՝ ՄԱԿ-ի մարմիններից պահանջելով դատապարտել Ադրբեջանի ցեղասպանական գործողություններն ու շրջափակումը Արցախի ժողովրդի հանդեպ, իսկ ՄԱԿ-ի Անվտանգության խորհուրդից պահանջելով անդրադառնալ Արցախի ժողովրդի անվտանգության ապահովման հարցին՝ հստակ միջազգային երաշխիքներ տրամադրելով
- Լաչինի միջանցքի փակման թեմայով Հայաստանի Ազգային ժողովում այսօր հրավիրված արտահերթ նիստին ընդդիմադիր և իշխանական խմբակցությունները տարբեր նախագծեր են բերել, համաձայնության չեն հասել, և ընդդիմությունը որոշել է բոյկոտել նիստը։ Իշխանական խմբակցությունն էլ կոչ է արել Ռուսաստանին ապահովել նոյեմբերի 9-ի փաստաթղթով նախատեսված դրույթների իրականացումը։
Այս ժամի լուրերը՝ տեսանյութում։
