30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ադրբեջանցիները պնդում են, որ ՌԴ-ն թույլ չի տալիս՝ ադրբեջանական բեռնատարները հատեն Բելառուսի սահմանը
Քաղաքականություն
14.12.2022 | 18:09
Ադրբեջանին պատկանող մի շարք բեռնատարներ առանց որևէ հիմքի կալանվել են Ռուսաստանի և Բելառուսի սահմանին՝ ՌԴ Բրյանսկի շրջանի տարածքում։ Այս մասին հաղորդում են ադրբեջանական լրատվականները։
Ադրբեջանցի վարորդներից մեկը հայտնել է, որ մի քանի օր է՝ այս իրավիճակը շարունակվում է։
«Բրյասնկի շրջանում մի քանի մեքենա են ձերբակալել։ Ռուսները զայրացել են ու չեն թողնում Ադրբեջանին պատկանո բեռնատարների անցումը երրորդ երկիր՝ Բելառուս։ Մեր փաստաթղթերը սահմանապահների մոտ են։ Փորձում ենք պատճառը հասկանալ, մեզ լռությամբ են պատասխանում։ Փաստաթղթերն էլ չեն վերադարձնում, որ կարողանանք վերադառնալ։ Մեր փստաթղթերը կարգին են»,- ասել է ադրբեջանցի վարորդը։
Նա նշել է, որ ցանկանում է՝ Ադրբեջանի համապատասխան կառույցներն իմանան, որ, իբր, «սիրելի ռուս հարևաններն իրենց վիրավորում են Լաչինի միջանցքը փակելու պատճառով»։
Էմմա Չոբանյան
