17.08.2026 | 23:08
Զորականում և Ամասիայում շչակներ են փորձարկվելու
Փաստահավաք խումբ ուղարկել Արցախ․ Կոչ՝ ՄԱԿ-ի ԱԽ-ին և ԵԱՀԿ ՄԽ անդամ երկրներին․ ՏԵՍԱՆՅՈՒԹ
Քաղաքականություն
14.12.2022 | 15:45
ԱԺ արտահերթ նիստում քննարկվում է ԱԺ «Քաղաքացիական պայմանագիր» խմբակցության ներկայացրած «Ադրբեջանի կողմից Լեռնային Ղարաբաղում հումանիտար ճգնաժամ հարուցելու մասին» ԱԺ հայտարարության նախագիծը:
«Քաղաքացիական պայմանագիր» խմբակցության պատգամավոր Մարիա Կարապետյանը նշեց, որ ԱԺ արտահերթ նիստը նվիրված է արտաքին աշխարհին և ստեղծված իրավիճակից ելքեր գտնելուն։
Պատգամավորի դիտարկմամբ՝ Ադրբեջանը Լեռնային Ղարաբաղում հումանիտար աղետ է հարուցում` օգտվելով այն հանգամանքից, որ աշխարհակարգը փլուզվում է:
«Այս պայմաններում մեր նպատակը պետք է լինի միջազգային հանրության առավելագույն ներգրավվածությունն ապահովել հարուցվող ճգնաժամերի և ԼՂ հիմնախնդրի լուծման մեջ։
Հայտարարության տեքստը, որ պատրաստվում ենք ընդունել, ավարտվում է կոչով՝ ուղղված ՄԱԿ-ի Անվտանգության խորհրդի անդամներին և ԵԱՀԿ Մինսկի խմբի համանախագահ և անդամ պետություններին։
Մեր խնդրանքն է մոնիթորինգ իրականացնելու նպատակով փաստահավաք առաքելություն ուղարկել ԼՂ։
Սկսվող հումանիտար աղետը կանգնեցնելուց զատ, անհարժեշտ է շարունակել երկարաժամկետ լուծումների փնտրտուքը, քանի որ կայուն լուծման բացակայությունը պարարտ հող է Ադրբեջանի համար պարբերաբար զանազան պատրվակներով ԼՂ հայությանն ահաբեկելու փորձեր կատարելու համար»,- նշեց Կարապետյանը։
Մանրամասները՝ տեսանյութում։
