17.08.2026 | 23:08
Զորականում և Ամասիայում շչակներ են փորձարկվելու
90-ականներին սկսվել է պատերազմը հենց այս միջանցքի համար․ միջանցքը անպայման կբացվի․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
14.12.2022 | 15:40
Ադրբեջանը, Լաչինի միջանցքը փակելով, պատերազմ է հրահրում։ «Ադրբեջանի կողմից ԼՂ-ում հումանիտար ճգնաժամ հարուցելու մասին» ԱԺ հայտարարության նախագծի քննարկման ժամանակ այս կարծիքը հայտնեց ԱԺ «Քաղաքացիական պայմանագիր» խմբակցության պատգամավոր, ԱԺ պաշտպանության և անվտանգային հարցերի մշտական հանձնաժողովի ղեկավար Անդրանիկ Քոչարյանը։
Նրա դիտարկմամբ՝ 90-ականներին պատերազմը սկսվել է հենց այս միջանցքի համար, միջանցքի փակ լինելու պատճառով․
«Ադրբեջանն այս գործողությունով վնաս է պատճառում նաև իրեն, որովհետև 90-ականներին նմանատիպ գործողությունը բերեց պատերազմի, իրենք պարտվեցին․․․ Ադրբեջանը նման քայլերով ընկալելի է դարձնում այն թեման, որ Ղարաբաղի հարցը փակված չէ»։
Եթե իրենք 1990-ականներին գնային խաղաղության ճանապարհով, ո՛չ Հադրութում կսկսվեին այդ գործողությունները, ո՛չ Սումգայիթում: Նման գործողությունները բերեցին պատերազմի»։
«Մենք պատերազմ չենք ուզում», -ասաց Քոչարյան՝ ընդգծելով՝ ՀՀ իշխանությունների օրակարգը խաղաղությունն է, իսկ դրա համար համերաշխություն է պետք։ ի
Անդրանիկ Քոչարյանը վստահ է` Լաչինի միջանցքը կբացվի։
«Միջանցքը կփակվի էլ, կբացվի էլ, գազը կանջատվի, նորից կմիացվի, տեսել ենք։ Լաչինի միջանցքն անպայման կբացվի։ Տեսաք՝ ադրբեջանցի պաշտոնյան ասում է, որ ռուսական խաղաղապահ ուժն է փակել միջանցքը։ Ռուսական խաղաղապահ ուժը դատապարտված է նորից միջանցքը բացելու», – հայտարարեց պատգամավորը։
Մանրամասները՝ տեսանյութում։
