ՌԴ դեսպանը թող վեր կենա, գնա Լաչին․ իրենց պետությունն է խայտառակվում․ Վիգեն Խաչատրյան․ ՏԵՍԱՆՅՈՒԹ

ՀՀ Ազգային ժողովում քննարկվում է «Քաղաքացիական պայմանագիր» խմբակցության ներկայացրեց «Ադրբեջանի կողմից ԼՂ-ում հումանիտար ճգնաժամ հարուցելու մասին» ԱԺ հայտարարության նախագիծը:

«Կարծում եմ՝ ճիշտ կլինի ոչ թե կոչ անել, այլ պահանջել, որ Ռուսաստանը կատարի իր պարտականությունները, իսկ արևմտյան գործընկերներին ոչ թե կոչ անել, այլ խնդրել, որ միջամտեն»,- այս մասին ԱԺ նիստում նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը՝ հավելելով՝ Եթե Ռուսաստանը չի կարողանում, պիտի խնդրի մյուսներին։
«Եթե ԱՄՆ դեսպանը Բաքվում կոչ է անում Ադրբեջանին՝ վերջ տալ վայրագություններին, հասկանալի չէ ՌԴ դեսպանի լռությունը Բաքվում և հասնակալի չէ նաև ՌԴ դեսպանի լուռ կեցվածքը Հայաստանում։ Թող վեր կենա, գնա Լաչին, իրենց պետությունն է խայտառակվում», – ասաց Խաչատրրյանը։

«Քաղաքացիական պայմանագիր» խմբակցության ղեկավար Հայկ Կոնջորյանը, ի պատասխան Խաչատրյանի դիտարկումների, ներկայացրեց հատված քննարկվող նախագծի տեքստից․ «Լաչինի միջանցքը փակելով՝ Ադրբեջանն ուղղակիորեն ոտնահարում է 2020 թվականի նոյեմբերի 9-ի հայտարարության դրույթները, որոնց համաձայն՝ Լաչինի միջանցքը գտնվում է ԼՂ-ում ՌԴ խաղաղապահ զորախմբի վերահսկողության ներքո, և Ադրբեջանը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը:

Ելնելով ստեղծված իրավիճակից՝ ՌԴ-ին կոչ ենք անում իրականացնել անհրաժեշտ գործողություններ՝ ապահովելու 2020 թվականի նոյեմբերի 9-ի եռակղմ հայտարարությամբ ամրագրված դրույթների լիակատար իրականացումը ռուս խաղաղապահների վերահսկողության գոտում:
Միջազգային հանրությանը կոչ ենք անում խստորեն և հասցեական կերպով դատապարտել Ադրբեջանի գործողությունները և միջոցներ ձեռնարկել ԼՂ-ում հումանիտար աղետի ծավալումը կանխելու համար»:

Կոնջորյանը նաև կարծիք հայտնեց, որ Ադրբեջանն իր այս սադրանքներով նպատակադրված է հեղինակազրկել ռուս խաղաղապահների գործունեությունը։

Մանրամասները՝ տեսանյութում։